Vestlandet fylkeskommune har inngått ein avtale med Helse Fonna som vil gje tilbod om psykologtenester til alle elevar og lærlingar i Sunnhordland. Psykologteamet er eit lågterskeltilbod, som skal vere lett å oppsøke. Elevane og lærlingane treng ikkje tilvisast.
Frå og med veke 15 (torsdag 15. april) vil det bli sett i gang med massetesting av elevane for Covid-19. Testinga vil føregå i klassane og det er kvar enkelt elev som skal utføre testinga på seg sjølv. I første omgang er det elevane på Vg1-trinnet som skal gjennomføre denne typen hurtigtest. Etter kvart vil også elevane på Vg2 og Vg3 få tilbodet. Å delta i testinga er frivillig. Elevane vil bli testa to gonger i veka. Med massetestinga håpar ein å vere i stand til å kunne avdekke eventuelle utbrot av smitte så tidleg at det vil vere forsvarleg å halde skulen på gult nivå i staden for raudt, altså at alle elevane skal kunne vere på skulen samstundes.
Frå i morgon, fredag 19.03., vert det fysisk undervisning på skulen.
For å imøtekomma smittevernsreglane som no er raude, må elevane komme inn i mindre grupper. Klassane vert delt i to, og kvar halvdel møter på skulen på ulike dagar. Dei som ikkje er på skulen skal arbeide digitalt.
På denne måten skal me klara å halda to meter mellom elevane i klasserommet, og me dempar presset i kollektivtrafikken. Pultar og stolar vert reingjort mellom gruppene. På elevrommet i ITSL har me lagt ut informasjon om kor mange elevar som møter i dei ulike romma, og kor stor kapasitet romma har normalt.
Stord vgs skal driva på raudt nivå fram til 9.april. I tillegg til fokus på avstand vert det også sett i verk forsterka reinhald. Toalett og kontaktpunkt vert vaska fleire gonger i løpet av skuledagen.
