Munnleg og munnleg-praktisk eksamen - privatist

Munnleg og munnleg-praktisk privatisteksamen i dei fleste fag har ein førebuingsdel på 20 til 30 minutt. Munnlege og munnleg-praktiske privatisteksamenar blir som hovudregel arrangerte på ettermiddag/kveldstid.

Korleis er eksamen?

Eksamensinstruksen fortel deg korleis eksamen er organisert, korleis du skal oppføre deg og kva du skal gjere på eksamensdagen. Les instruksen nøye før du møter på eksamen.

Hugs å ta med gyldig legitimasjon med bilde kvar gong du møter på eksamen!

Last ned og les eksamensinstruksen

Hjelpemiddel i førebuingstida

Du skal trekkje ei oppgåve som du skal arbeide med i førebuingstida.

I førebuingstida kan du bruke alle hjelpemiddel, også internett og kommunikasjon. Du må sjølv ha med deg hjelpemidla du ønskjer å bruke. I førebuingstida skal du vere på eit eige førebuingsrom. Det skal vere stille på førebuingsrommet.

Internett i førebuingstida

Dersom du ønskjer å bruke internett i førebuingstida, vil du få tilgang til trådlaust nettverk. For å logge deg på nettverket, må du bruke ein kode du får på sms, du må difor ha med deg mobil om du vil bruke internett i førebuingstida.

Slutt på leselister

Eksamenskontoret har avvikla ordninga med leselister frå og med hausten 2018.

På munnleg og munnleg-praktisk eksamen kan du berre bruke notat frå førebuingstida. Om du har med pc på sjølve eksamen, skal skjermen vere synleg for sensor og eksaminator under heile eksamen.

I geofag 1 og geofag 2 skal du gjennomføre ei prosjektoppgåve før eksamen.

Du må ta med deg oppgåva på papir og levere ho til eksaminator når du møter på eksamen.

Om du møter på eksamen utan prosjektoppgåve, vil du ikkje få ta eksamen.

På munnleg-praktisk eksamen i naturfag, kjemi, fysikk og biologi skal du gjere praktiske øvingar.

Her finn du lister over øvingar som er aktuelle i kvart fag.