Helse- og oppvekstfag

Vg1 Helse- og oppvekstfag 

I tillegg til fellesfaga norsk, engelsk, matematikk, naturfag og kroppsøving, tilbyr Vg1 Helse- og oppvekstfag desse programfaga:

• Helsefremjande arbeid
• Kommunikasjon og samhandling
• Yrkesutøving
• Yrkesfagleg fordjuping

Her får du den grunnleggjande kunnskapen du må ha for vidare opplæring på Vg2.

Helse- og oppvekstfag er eit utdanningsprogram som fører fram til yrke som til dømes helsefagarbeidar, barne- og ungdomsarbeidar, hudpleiar, ambulansearbeidar, farmasiteknikar og fotterapeut. Yrkesfagleg fordjuping er eit fag som er praktisk retta. Elevane har hovudsakleg utplassering i bedrift eller dei arbeidar med praktiske prosjekt på skulen. I tida fram til haustferien er det felles teoretisk innføring for alle elevane før dei eventuelt skal ut i praksis.

Dette programmet passar for deg som likar å arbeida med menneske, har evne og vilje til å samarbeida, samtidig som du kan ta avgjerder på eiga hand. 

I faget Yrkesfagleg fordjuping har elevane utplassering ein dag kvar veke store deler av året. Vi prøver så langt det let seg gjere å skaffe kvar elev den n type praksisplass han/ho ønskjer.

Vg2 Helsearbeidarfag

I tillegg til fellesfaga norsk, engelsk, samfunnsfag og kroppsøving, tilbyr Vg2 desse programfaga:

• Helsefremjande arbeid
• Kommunikasjon og samhandling
• Yrkesutøving
• Yrkesfagleg fordjuping

På helsearbeidarfaget  får du praktisk og teoretisk opplæring. Her vil du lære mykje om grunnleggjande sjukepleie, sjukdomslære og kommunikasjon. Du vil få eit godt innblikk i kva som blir venta av deg som profesjonell helsefagarbeidar.

Praksis utgjer ein stor del av faget Yrkesfagleg fordjupning, Du kan vere i praksis på sjukeheim, open omsorg, sjukehus eller bufellesskap. Kvart år blir det utdelt stipend frå Erasmus+ og dei heldige får fire veker i praksis i utlandet. Dei siste åra har våre elevar reist til Danmark. 

Vg2 Barne- og ungdomsarbeidarfag

I tillegg til fellesfaga norsk, engelsk, samfunnsfag og kroppsøving, tilbyr Vg2 desse programfaga:

• Helsefremjande arbeid
• Kommunikasjon og samhandling
• Yrkesutøving
• Yrkesfagleg fordjuping

På Barne- og ungdomsarbeiderfaget får du lære korleis du kan bli ein profesjonell barne- og ungdomsarbeidar. Du vil lære om kva som skal til for å stimulere barn og gje dei den tryggleik dei treng. Undervisninga er både praktisk og teoretisk.

Praksis utgjer ein stor del av faget Yrkesfagleg fordjupning, Du kan vere i praksis i barnehagar, skuler og skulefritidsordning.  

Kvart år blir det utdelt stipend frå Erasmus+ og dei heldige får fire veker i praksis i utlandet. Det siste året har våre elevar reist til Danmark.