Om Stord vidaregåande skule

Stord vidaregåande skule er ein skule med eit stort mangfald, både når det gjeld menneske og fag. Visjonen vår er Vekst og utvikling for alle! Me ønskjer deg velkommen til oss - her vil du trivast!

RegionsKULEN I SUNNHORDLAND MED FLEST UTDANNINGSTILBOD

Stord vidaregåande skule har eit breitt utdanningstilbod innanfor studieførebuande og yrkesfaglege utdanningsprogram. Senter for vaksenopplæring i Sunnhordland er lagt til skulen. Skulen tilbyr òg kurs til vaksne innan ulike fagområde i samarbeid med NAV og lokale bedrifter.

Me har om lag 830 elevar og 170 tilsette. Skulen ligg på Saghaugen og Vabakkjen i Leirvik, men me nyttar også lokala på Opplæringssenteret på Heiane og mange andre læringsarenaer utanfor skulen.

Visjonen vår er «Vekst og utvikling for alle». Me ønskjer og arbeider for at skulen skal vera ein skule der både elevar og tilsette har ein trygg arbeidsplass der me kan veksa og utvikla oss.

Hovudadministrasjonen held til på Saghaugen. Her finn du dei studieførebuande utdanningsprogramma og avdeling for Meistring og utvikling. Senter for voksenopplæring har òg tilhald her. Kart - Bilete

På Vabakkjen finn du dei yrkesfaglege utdanningsprogramma. Studiesenteret vårt ligg òg her. Kart - Bilete

Kursavdelinga vår ligg på Opplæringssenteret på Heiane. Kart - Bilete

Ring 53 45 20 00 Skulen er Miljøfyrtårn

Leiinga

Leiargruppa har den pedagogiske og administrativ leiinga på skulen, og står for den daglege drifta. Dei har ansvaret for at skulestyresmaktene sine vedtak vert sett i verk, og at skulen sine interesser vert tekne hand om på beste måte. Dei har eit særleg ansvar for elevane og dei tilsette sitt arbeidsmiljø. Rektor har det overordna ansvaret. I leiargruppa sit rektor og assisterende rektor, administrativ leiar og sju avdelingsleiarar med ansvar for utdanningsprogramma, vaksenopplæring og kursverksemda vår.