Helse- og oppvekstfag

Bryr du deg om andre menneske? Er du god på kommunikasjon? Likar du å jobba saman med andre?

Helse- og oppvekstfag er eit utdanningsprogram som fører fram til yrke som til dømes helsefagarbeidar, barne- og ungdomsarbeidar, hudpleiar, ambulansearbeidar, farmasiteknikar og fotterapeut. I faget prosjekt til fordjuping er elevane utplasserte ein dag i veka stort sett heile skuleåret.

Dette programmet passar for deg som likar å arbeida med menneske, har evne og vilje til å samarbeida, samtidig som du kan ta avgjerder på eiga hand. 

Frå og med hausten 2020 tilbyr vi Toppidrett fotball som programfag på Yrkesfag.

Denne utdanninga vil gje deg kompetanse til å jobbe på sjukeheim, sjukehus, heimesjukepleier, dagsenter for funksjonshemma, bofellesskap og andre institusjonar innanfor helsefaga. Du får praksis innanfor helse- og omsorgstenesta og målet er at du skal utvikle deg til å bli ein kompetent helsefagarbeidar som møter pasientar, brukarar og pårørande på ein profesjonell måte.