Elektro og datateknologi

På Vg1 Elektro og datateknologi møter du desse tre programfaga:

• Automatiseringssystem
• Elenergisystem
• Data- og elektronikksystem

I tillegg har vi faget Prosjekt til Fordjuping (PTF).
Frå og med hausten 2020 tilbyr vi Toppidrett fotball som programfag på Yrkesfag.

Undervisninga vekslar mellom praksis og teori. I teoridelen lærer du mellom anna å tolka instruksjonar, teikningar og lovverk. Den praktiske delen føregår i ein eigen elektroverkstad der du m.a. lærer om bruk av ulike verktøy og instrument.

Etter Vg1 tilbyr vi Vg2 Elenergi som fører til læreplass i yrke som til dømes elektrikar, energimontør eller heismontør.  

Hos oss vil du få:

• Ei praktisk retta utdanning for næringslivet.
• Nytt og moderne utstyr, likt det ein møter i arbeidslivet.
• Nært samarbeid med bedrifter som tek inn lærlingar både i Osterøy og Arna, Åsane, Bergen og offshore.

På Vg2 er du over 180 timar i praksis i ei eller fleire bedrifter. Etter Vg2 kan du gå i lære mot eit fagbrev eller ta allmenn påbygg. Vidare kan du gå teknisk fagskule eller ta ingeniørutdanning. Logisk tenkemåte og kreativitet er og viktig, både for å kunna løysa konkrete oppgåver og for å utvikla nye produkt.