Elevtenesta
Elevtenesta vil bidra til å gjere skulekvardagen best mogeleg for deg som elev. Skulen ønskjer at du skal oppleve eit trygt og godt skulemiljø, og oppleve fagleg meistring og personleg utvikling.
Treng du nokon å snakke med? Treng du studierettleiing? Treng du hjelp til å søke om stipend? Har du behov for tilrettelagd eksamen, eller har du behov for spesialundervisning? Dette er nokre av det vi kan hjelpe deg med.
Av og til kan det vere slik at du treng hjelp frå andre instansar som pedagogisk-psykologisk teneste (PPT), Oppfølgingstenesta (OT), barne- og ungdomspsykiatrisk poliklinikk (BUP), NAV, barnevern eller politi. Vi kan hjelpe deg med å få kontakt med desse og samarbeider tett med alle tenestene.
Vårt fokus er at du skal ha ei god tid som elev på Osterøy vidaregåande skule.
Helsesjukepleiar
Helsesjukepleiar Beate Kleppe er tilgjengeleg på skulen kvar onsdag frå 08.30–14.00.
Helsesjukepleiar har open dør. Det vil seie at du som er elev ved skulen ikkje treng å bestille time. Avtale hos helsesjukepleiar blir rekna som gyldig fråvær når det er dokumentert. Helsesjukepleiar har teieplikt, og tilbodet er gratis.
Meir om Helsesjukepleiar
Skulepsykolog
Psykolog Susan Ellis er tilgjengeleg for alle elevane på Osterøy vgs kvar tirsdag mellom kl 08:30 og 11:45.
Dersom du ønsker time, ta kontakt direkte på e-post eller via lærar eller avdelingsleiar.
Du kan og ta direkte kontakt med Susan i friminuttane. Då har ho open dør.
Send e-post
