Velkomen til Os gymnas

Os gymnas ligg fint og sentralt til i Bjørnafjorden kommune. Mottoet vårt er trivsel, kunnskap og vennskap. Vi har studiespesialiserande utdanningsprogram, og vi er ein MOT-skule. Skulen er liten og oversiktleg, og det er høg trivsel her. Vi har fine og grøne omgjevnader med gode lokale.

Her finn du oss

Os gymnas ligg ved Osøyro i Bjørnafjorden kommune. Det er gode bussamband i Bjørnafjorden og til Bergen.

Adressa vår er: Gymnasvegen 85, 5200 Os

Administrasjonen

Administrasjonen finn du til venstre for hovudinngangen.

Opningstidene våre er frå kl. 8.00 til kl. 15.30.

Ring 56 56 57 50 Send oss ein e-post

Tilsette og leiinga

Rektor er skulen sin øvste pedagogiske og administrative leiar. Rektor har ansvar for den daglege drifta, og sørgjer for at vedtaka til skulestyresmaktene vert sette i verk. Rektor skal sikra at skulen og opplæringa fungerer best mogleg, og leggja til rette for eit godt læringsmiljø.

Assisterande rektor er rektor sin avløysar, og overtek rektor sine funksjonar når ho er borte. Assisterande rektor er òg avdelingsleiar for realfag og har ansvar for timeplanar og klasselister.

Avdelingsleiar for elevtenester og språk og samfunnsfag er også bindeledd mellom elevane og leiinga ved skulen. Ho har faste møte med elevrådet og ser til at elevane sine innspel både fagleg og sosialt vert tekne hand om. Ho er leiar av skulen sitt ressursteam.

Tilsette