Informasjon

24.09.21: Tilbake til normalen!

Me går no tilbake til ein vanleg skulekvardag, utan trafikklysmodellen for smittevernnivå. Men me bør framleis følgje nokre råd for å redusere smitte:

• Hald deg heime dersom du er sjuk
• Ha god hygiene - hald fram med å vaske/sprite hender

Overgangen til normal skulegang betyr at dei vanlege fråværsreglane skal gjelde frå 11. oktober. Det betyr mellom anna at elevar ikkje lenger kan bruke eigenmelding eller stadfesting ffå føresette ved fråvær av helsegrunnar.

24.09.21: Regjeringa forlenger midlertidige unntak frå fråværsreglane til 10. oktober

For fråvær av helsegrunnar, er det no ikkje krav til å dokumentere fråværet med legeattest etter reglane om fråværsgrensa. Elevar over 18 år kan bruke eigenmelding, elevar under 18 år må ha stadfesting frå foreldre.

Unntaksregelen omfatter elevar med milde luftvegssymptom eller sjukdomskjensle, elevar i karantene eller isolasjon. Fråværet skal då ikkje førast på vitnemålet, og det skal bli unntatt frå fråværsgrensa.

Det er viktig at elevar held seg heime ved sjukdom, også ved milde symptom på luftvegsinfeksjon.

Pressemelding Kunnskapsdepartementet (lenke, 13.08.21)

Pressemelding Kunnskapsdepartementet (lenke, 24.09.21)

Fråværsgrensa

Frå 1. august 2016 blei det innført ei fråværsgrense for vidaregåande skular.

Dersom ein elev har meir enn 10 % udokumentert fråvær i eit fag, kan eleven som hovudregel ikkje få halvårsvurdering med karakter eller standpunktkarakter i faget.

Viss du planlegg å vere borte frå skulen av ulike grunnar, bør du undersøke om du har for høgt fråvær i fag. Alle elevar har ansvar for at det er vurderingsgrunnlag i faga sine.

Du kan søke om studiepermisjon i nokre tilfelle. Sjå eige skjema med meir informasjon om studiepermisjon. Det må søkast minst 10 yrkedagar (arbeidsdagar) på førehand.

Viss det er planlagt fråvær på grunn av gravferd, alvorleg sjukdom i nær familie eller liknande, så kan du få innvilga velferdspermisjon.