Det kan se ut til at du bruker en nettleserversjon vi ikke støtter. Finn en nyere versjon her
Helse- og oppvekstfag er ei yrkesfagleg utdanning. Utdanninga kan føre fram til fagbrev eller yrkeskompetanse, avhengig av kva fag du vel. Det er òg mogleg å ta påbygg til generell studiekompetanse.
Vel du helse- og oppvekst må du ønskje å jobbe med menneske i ulike aldre og livssituasjonar. Du må bry deg om andre menneske. Du som vel helse- og oppvekstfag bør vere omsorgsfull, flink til å kommunisere og god til å samhandle med menneske med ulik bakgrunn og livssituasjon.
Samfunnet vil i tida framover ha stort behov for deg som ønskjer å arbeide innan helse- og oppvekstsektoren. Ved å velje helse- og oppvekstfag vil du verte ein attraktiv arbeidssøkjar.
Vg1 er felles for alle som tek helse- og oppvekstfag. På Vg2 tilbyr vi:
På helse- og oppvekstfag går du to år på skule og to år i lære. Etter det får du fagbrev og kan gå ut i jobb. På vilbli.no kan du sjå kva du kan bli ved å velje helse- og oppvekstfag.
Hos oss kan du verte:
Etter du er ferdig med fagbrev kan du velje å ta eit ekstra år med Vg3 påbygg og få generell studiekompetanse. Du har og høve til å byte ut læretida med Vg3 påbygg. Om du allereie no veit at du ikkje ønskjer å ta fagbrev bør du i staden sjå nærare på studietilbodet vårt: Helse - og oppvekstfag med studiespesialisering.
Vilbli.no Søk skuleplass| Fag | Helse- og oppvekstfag vg1 | Helsefagarbeidar vg2 | Barne- og ungdomsarbeidar vg2 |
|---|---|---|---|
| Helsefremjande arbeid | 7 | 7 | 5 |
| Kommunikasjon og samhandling | 5 | 5 | 5 |
| Yrkesutøving | 5 | 5 | 7 |
| Yrkesfagleg fordjuping | 6 | 9 | 9 |
| Norsk | 2 | 2 | 2 |
| Matematikk | 3 | 0 | 0 |
| Naturfag | 2 | 0 | 0 |
| Engelsk | 3 | 2 | 2 |
| Kroppsøving | 2 | 2 | 2 |
| Samfunnsfag | 0 | 3 | 3 |
| Sum timetal per veke | 35 | 35 | 35 |
Programfaga på Vg1 Helse- og oppvekstfag er:
Du er utplassert i relevant praksis i faget yrkesfagleg fordjuping gjennom skuleåret, slik at du kan prøve ut ulike yrke innan helse- og oppvekstfaga. Faget er meint å hjelpe deg i val av utdanningsløp. Vi har eit nært samarbeid med Bergen kommune og ei rekkje institusjonar.
I tillegg vil du ha fellesfaga norsk, engelsk, matematikk, naturfag og kroppsøving.
Som helsefagarbeidar arbeidar du i nær kontakt med menneske. Oppgåvene dine vil mellom anna vere å gje omsorg, praktisk pleie og miljøarbeid til menneske som treng det. Du får utvikle evna til å vere ein profesjonell yrkesutøvar med empati og evne til samspel med menneske med ulike hjelpebehov.
Som barne- og ungdomsarbeidar får du ein aktiv og meiningsfylt jobb. I barne- og ungdomsfaget lærer du mellom anna å leggje til rette og gjennomføre pedagogiske tilbod for born i alderen 0-18 år. Du utviklar evna til kommunikasjon og samhandling. Vidare lærer du å fremje fellesskap og samhald i eit miljø prega av leik, utforsking og læring.
Vg3 Påbygg gir deg generell studiekompetanse. Dette gir deg høve til å studere vidare ved høgskule og universitet.
Du kan ta påbygg både før og etter læretida.
Etter å ha fullført Vg2 Helsearbeidarfag eller Vg2 Barne- og ungdomsarbeidarfag, kan du søkje læreplass og ta fagbrev.
Læretida er 2 år.
