Helse- og oppvekstfag

Vg 1 Helse- og oppvekstfag

Vg1 Helse- og oppvekstfag har fokus på eit godt sosialt miljø i klassen og ein lærer tidleg å ta vare på kvarandre. Det er ein del teoretisk lærestoff som danne grunnlag for utøving av god praksis. To veker om hausten og to veker om våren har vi praksisperiode. Dei fleste får då prøvd seg i skule, barnehage og i sjukeheimar, men og nokre innanfor andre yrke; hudpleiar, apotekteknikkar mm. 

Vg1-klassane gode tradisjonar for å hente inn fagkompetanse for å sjå på ulike yrkesvegar; ambulansetenesta har vore innom og informert og vist fram utstyr som ein treng i yrket som ambulansearbeidar. 

Vg2 Helsefagarbeider

Gjennom opplæringa til helsefagarbeider skal du utvikla evna til å møta menneske i ulike livssituasjonar og med ulike kommunikasjonsevner. Opplæringa skal gjera helsefagarbeidaren skikka til å observera og til å bruka kunnskapar om ulike sjukdommar, skadar eller lidingar, og sette i verk førebyggande eller behandlande tiltak innan eige ansvars- og kompetanseområde.

Opplæringa skal utvikla evna til empati, personleg dugleik og gjera deg eigna for yrket og gje deg erfaring i samspel med menneske med ulike hjelpebehov. Ein skal og stimulera til å søka kunnskap og legga grunnlag for endringskompetanse, livslang læring og aktiv deltaking i samfunnet.
Opplæringa skal vera tverrfagleg og praksisnær, og skal knyta teori og praksis saman.

Faga legg opp til varierte undervisningsmetodar og ein vil veksle mellom teori og praksis både i skulen og på institusjonar.