Bygg- og anleggsteknikk

Bygg- og anleggsteknikk er ei yrkesfagleg utdanning. Det betyr at du går 2 år på skule før du begynner som lærling i ei bedrift. Du kan i tillegg ta påbygg til generell studiekompetanse før eller etter læretida.

Vi tilbyr

Bygg og anleggsteknikk er eit praktisk program der mykje av opplæringa går føre seg ute på ulike byggjeplassar. Lærarane har lang erfaring frå bransjen og samarbeider tett med verksemder i regionen med utplassering og prosjekt.

Hos oss kan du søkja:

Vg1 Bygg- og anleggsteknikk
Vg2 Byggteknikk

Kvifor Bygg- og anleggsteknikk?

Utdanningsprogrammet omfattar produksjon, oppføring, ombygging og vedlikehald av bygningar og anlegg med tilhøyrande tekniske installasjonar.

Søk opptak

Fag og timetal

Fag og timetall
Fag	Timetall VG1	Timetall VG2
Norsk	2	2
Engelsk	3	2
Matematikk	3	0
Kroppsøving	2	2
Naturfag	2	0
Samfunnsfag	0	3
Produksjon	12	12
Teikning og Bransjelære	5	0
Yrkesfagleg fordjuping	6	9
Bransjelæra	0	5
Sum timetall per uke	35	35

Første året

Vg1 Bygg- og anleggsteknikk

Programmet omfattar produksjon, oppføring, ombygging og vedlikehald av bygningar og anlegg med tilhøyrande tekniske installasjonar. Utdanningsprogrammet vil hjelpa til å sikra fagarbeidarar, innanfor desse yrka, utfordrande utviklingsoppgåver gjennom auka kvalitetskrav,
utforming, produksjon og vedlikehald av konstruksjonar og ei kontinuerleg utvikling av materialar.

Du som vel bygg- og anleggsteknikk bør ha praktisk sans, vera nøyaktig og ha godt handlag. Du bør vera sjølvstendig, men også kunne arbeida i team, sidan mange bygge- og anleggsprosjekt krev nært samarbeid mellom ulike yrkesgrupper

Andre året

Vg2 Byggteknikk

Byggteknikk er eit fag som tek føre seg produksjon, oppføring, ombygging og vedlikehald av bygningar og anlegg. I opplæringa vert det lagt vekt på utforming, produksjon og vedlikehald av konstruksjonar.

Faget er i ei kontinuerlig utvikling med omsyn til metodar, materialar og krav til kvalitet. Spennvidda i faget er stort, og det er ei målsetting å utvikla samarbeid, fagleg forståing og respekt for dei ulike faga som du vil møta på anleggs- og byggjeplassar. Den einskilde vil gjennom dette faget møta fleire av dei krava som vert stilt til profesjonelle yrkesutøvarar.

Vegen vidare

Etter 2 år på skule kan du velja å gå ut i lære eller ta påbygging til generell studiekompetanse (Vg3).

ta Kontakt

Fagansvarleg

Tarjei Vangen

Send e-post 57307416