Elektro og datateknologi

Dette utdanningsprogrammet fører til ei rekkje ulike yrke for installasjon og vedlikehald av elektriske og elektroniske system. Elektrofag passar for deg som vil arbeida, nøyaktig, sikkert og systematisk og som er serviceorientert i møte med kundar.

Det blir ofte eit krav om at ein har godt fargesyn. 

Både logisk tenkjemåte og kreativitet er viktig for å kunna løysa konkrete oppgåver og utvikla nye produkt.

Skulen har eit godt samarbeid med elektrobedriftene i kommunen, så her er det mogeleg å skaffa seg god arbeidsrøynsle i løpet av utdanninga. 

Data og elektronikksystem

I dette programfaget lærer me blant anna å kopla opp fylgjande system:

• Ringeanlegg for bustadhus
• Porttelefonanlegg
• System for adgangskontroll for blokkleilegheit.
• Adgangskontroll med lyd og bilete
• Brannalarmanlegg
• Innbruddsalarmanlegg
• Antenneanlegg for radio og tv

Me legg vekt på lesing og forståing av dokumentasjon som fylgjer anlegga og programmering av anlegga via PC.

Eigenproduksjon av dokumentasjon er og viktig, det same er kunnskap om lover, forskrifter og HMS.

Automatisering

I dette programfaget lærer me å kopla opp diverse styringar med 3-fase asynkronmotorar som til dømes forriglingar, dreieretningsvendarar og tidsforseinkingar.

Me utfører anlegga som: Reine kontaktorstyrte anlegg Programmerbare logiske styringar (PLS)

Me legg vekt på lesing og forståing av dokumentasjon som fylgjer anlegga og programmering av anlegga via PC.

Eigenproduksjon av dokumentasjon er og viktig, det same er kunnskap om lover, forskrifter og HMS.

Me lærer også å produsera dokumentasjon ved hjelp av pc-baserte konstruksjonsprogram som for eksempel PC-Schematic.

Opplæringa i elenergi skal medverka til å dekkja samfunnet sitt behov for kompetanse innanfor elkraftproduksjon og distribusjon, sjøfart, oljeproduksjon og industriverksemd, jernbane, helsevesen, næringsverksemd og bustadar.

Difor må elenergifaget møta samfunnet si krav innan fagområdet med kvalifiserte fagfolk som kan installere, kontrollere og vedlikehalde systemene og det tilhøyrande utstyret.