TAF-modellen
TAF-modellen fører deg i løpet av 4 år fram til både studiekompetanse og fagbrev. Under utdanninga kombinerer du arbeid i bedrift med å gå på skule. Dei første to åra har du status som elev, dei to siste er du lærling med lærekontrakt.
Me tilbyr fylgjande utdanningar innan TAF:
- TAF Helse
- TAF Marin
- TAF Mekanisk
- TAF Restaurant- og matfag NY HØST 2019
Tekniske allmenne fag (TAF) er eit samarbeid mellom Fusa vgs og lærebedrifter innan dei ulike fagområda.
Du må senda eigen søknad til skulen. Opptaket vert gjort av bedriftene på bakgrunn av karakterar og intervju.
Rutiner for TAF-inntakSøk skuleplass
Kvifor velja TAF (tekniske allmenne fag)?
- Du får eit godt grunnlag for høgare utdanning
- Du får både fagbrev og studiekompetanse, med fordjuping i realfaga matematikk, fysikk og kjemi
- Du lærer å arbeida sjølvstendig etter eigne planar
- Du lærer å samarbeida
- Bedriftene betalar alle utgifter i samband med utdanninga
- Du får løn etter gjeldande reglar
- Du følgjer bedrifta sitt arbeidsår
Kva kan du bli?
Med eit TAF-vitnemål i lomma står dei aller fleste dører opne for deg, og du er klar for ei høgare utdanning på høgskule eller universitet. I tillegg har du eit fagbrev som kvalifiserer for yrkeslivet.
Utdanning.no Tre frå Fusa vgs på NTNUinformasjon om taf-utdanningane
Dei ulike TAF-modellane er like i oppbygging, men det er ulike programfag og kombinasjonar innan realfaga matematikk, fysikk og kjemi. Velg nedanfor for fag- og timefordeling, samt anna informasjon om dei ulike TAF-retningane.
TAF Helse TAF Mekanisk (TIP) TAF Marin
mEIR INFORMASJON OM TAF?
Generelt om TAF (Teknisk allmenne fag)
Tekniske og allmenne fag (TAF) er eit samarbeid mellom Fusa vidaregåande skule og lærebedrifter innan ulike fagområde. Etter fire år oppnår du dobbel kvalifikasjon: både fagbrev og studiekompetanse, med fordjuping i matematikk og fysikk (på helse med fordjuping i kjemi). Du er elev ved skulen dei to første åra og deretter lærling i bedrift dei to siste - men du har heile dagar i skule/bedrift alle fire åra. Utdanninga er først og fremst retta mot deg som ønsker å studere på høgskule- eller universitetsnivå.