Service og samferdsel

Vg1 Service og samferdsel

Vg1 kan vera inngangen til yrke i ei rekkje servicebransjar, frå sal til transport. I desse bransjane vil kunnskap om lover og forskrifter og evne til analyse av kundebehov for å kunna foreslå løysingar vera viktig.
Service- og samferdsel er vekstnæringar med aukande konkurranse. Kvalifisert arbeidskraft vil vera ein viktig faktor for verksemder som ønskjer å hevda seg i denne konkurransen.

Bømlo vidaregåande skule har god kontakt med næringslivet i Bømlo og med bedrifter elles i Sunnhordland. Desse kan vera gode samarbeidspartnarar for ein del elevar t.d. når det gjeld val av prosjekt til fordjuping.

Vg2 Salg, service og sikkerhet

Med dette vidaregåande kurset kan du søkja opplæring i bedrift innan:

• Kontor- og administrasjonsfaget (fagbrev som kontor- og administrasjonsmedarbeidar)
• Salsfaget (fagbrev som salsmedarbeidar)
• Tryggleiksfaget (fagbrev som vektar).

Du kan og søkja Vg 3 Påbygging og skaffa deg studiekompetanse til høgskule eller universitet.