Påbygging til generell studiekompetanse

Vi tilbyr:

Dette året tek du fag som du treng for å få generell studiekompetanse. Faga er fellesfaga norsk, matematikk, naturfag, historie og kroppsøving. I tillegg vel du eitt programfag, anten Kjemi 1, Biologi 2, Internasjonal engelsk eller Sosiologi og antropologi. I dette faget går du saman med elevar på Studiespesialisering.

• Du får generell studiekompetanse.
•  Du får ei ganske brei allmennutdanning som gjev deg innsikt i mange ulike fagområde.
• Du kan søkje opptak til alle studium ved høgskular og universitet, både i innland og utland, som krev generell studiekompetanse.

Kva kan du bli?

Påbygg til generell studiekompetanse gjer at du kan søkje høgare utdanning, og mange vel utdanning innan same fagfelt som yrkesutdanninga si.

Du  kan søkje deg inn på profesjonsutdanningar som til dømes sjukepleiar, lærar, lege, politi, fysioterapeut med meir.

Du kan også byggje opp ei utdanning av ulike universitetsfag, til dømes russisk, kinesisk, filosofi, kunsthistorie, sosialøkonomi, japansk, fysikk, matematikk, marinbiologi, geologi og liknande.

Du kan utdanne deg til yrkesfaglærar innan det fagområdet du har fagbrev i.