Bygg- og anleggsteknikk

På Bygg- og anleggsteknikk kan du mellom anna lære å byggja hytter, forskaling, stillas, murar og benkar, og vere med på aktuelle byggjeoppdrag frå private og offentlege i nærområdet. Du lærer å bruke ulike verktøy og maskiner. HMS er i høgsetet hos oss, og det vil bli gitt full opplæring i dette.

Elevar på Vg1 kan om ønskjeleg ha praksis i bedrift ein dag i veka, og ein dag på verkstad det første skuleåret. Me prøver å gjere teorien så praktisk som mogleg her på Austrheim.

I løpet av skuleåret reiser me rundt for å besøke bedrifter for å få eit inntrykk av korleis det er i arbeidslivet. De får også være med å besøke andre skular for å sjå nærare på kva de vil satse på etter endt Vg1-løp.

Me har gode kontaktar med næringslivet.

På Vg 2 Byggteknikk satser vi på å førebu dykk til arbeidslivet. Vi kjenner bedrifter og har høve til  å tipse dykk om kor det er mogleg å få seg læreplass. Vg2 er mykje ute på oppdrag hos kundar. Det kan vere alt frå å setje opp eit tilbygg, stillasbygging, forskaling, armering eller støyping og muring.

Det er mogleg at de får vere med å byggje eit grindverksbygg, som er ein gammal byggjeteknikk som kom til Vestlandet for ca 4000 år siden. Mykje av byggjeteorien blir gjort via praktisk arbeid på byggjeplassen. På slutten av året vil de få ein praktisk eksamen der de kan velje mellom forskaling, muring, stillasbygging eller tømrarfaget.

Med å velje Vg2 Byggteknikk på Austrheim vil de få godt med fysisk aktivitet og frisk luft.