OM SKULEN

Austrheim vidaregåande skule ligg heilt nord i Hordaland fylke i Mastrevikane i Austrheim kommune. Vi er ein skule med om lag 260 elevar som kjem frå kommunar i Nordhordland samt Gulen og Solund i Sogn og Fjordane. Skulen har studiespesialisering og ulike yrkesretta studietilbod. Austrheim vidaregåande skule har eit tett og godt samarbeid med næringslivet i Fensfjordområdet med fyrtårna Mongstad og Sløvåg. Skulen har eige nærværsteam og er ein av skulane i Drømmeskole-prosjektet. Eigne elevmentorar skal vera med på å skape auka trivsel på skulen. Me ønskjer og arbeider for at skulen skal vera ein skule der både elevar og tilsette har ein trygg arbeidsplass der me kan veksa og utvikla oss. Resultata frå elevundersøkingar viser at elevane skårar høgt på trivsel og at dei får faglege utfordringar.