RÅDGJEVAR
Frode Johannessen Hordvik er rådgjevar ved skulen og har kontortid kvar dag unntatt torsdag. Kontoret hans finn du i 2. etasje i hovudbygget, rom nr. 219.
Han har ansvar for det sosialpedagogiske rådgjevingsarbeidet som til dømes sosiale problem på skulen, fråværsproblematikk, tilrettelegging ved faglege problem og tilrettelegging ved kronisk sjukdom. Rådgjevar har teieplikt og vil berre formidla opplysningar vidare til andre dersom du eller dine føresette ønskjer det.
Han er også karriererettleiar for yrkesfag. Ta kontakt med han dersom du ønsker ein samtale om yrkesrettleiing.
RESSURS- OG NÆRVÆRSTEAM
Ressurs- og nærværsteamet har møter kvar onsdag, og har som målsetjing at det alltid skal vere minst ein rettleiar tilgjengeleg for elevar som ønskjer å snakke med anten elevtenesta eller skulehelsetenesta. Tanken bak er at skulen skal reagere raskt og setje inn tidleg innsats når ein ser at elevar er i ferd med å få mykje fråvær, har faglege problem og/eller har sosiale problem. Ressurs- og nærværsteamet skal bidra til å sikre at så mange som mogeleg fullfører vidaregåande opplæring.
Dei som sit i Ressurs- og nærværsteamet er:
• Frode J. Hordvik, rådgjevar
• Gudny Sognnes, helsesjukepleiar
• Frode Hervik, rektor
DRØMMESKOLEN
Sentralt i Drømmeskolen er elevmentorane som er rekruttert blant elevar som går i vg2 og vg3 ved skulen. Dei er sentrale i fleire tiltak for å skape trygge og gode opplæringsmiljø for dei nye elevane i klassane på vg1, mellom anna med opplæring i korleis dei skapar ein "Drømmeklasse". Dei skal og bidra til å skape eit godt skulemiljø for alle på skulen og arrangere trivselskapande tiltakt gjennom skuleåret.
Ressursgruppa for Drømmeskolen er Beate Storset Husa (koordinator), Gjertrud J. Dyrkolbotn, Ørjan Storebø og Frode Hervik (leiargruppa).
