Det kan se ut til at du bruker en nettleserversjon vi ikke støtter. Finn en nyere versjon her

Velkomen til biblioteket

Biblioteket til skulen finn du i nordenden av 2. etasje i hovudbygningen. Det er ope heile skuledagen.

Om biblioteket

På biblioteket kan du gjere lekser, drive gruppearbeid, lese bøker, tidsskrift og aviser. Her finn du fagstoff og kjelder til oppgåver og prosjektarbeid.

Bibliotekaren kan anbefale litteratur, hjelpe deg å finna fram og kan rettleie deg i å søke i ulike databasar og på internett.

Vi har òg skjønnlitteratur, krim, spenning, og DVD/videoar som sjølvsagt kan lånast med heim.

Søk i katalogen

Biblioteket skal vere ein god stad for læring, arbeid og avkobling. Hald stemmebruken på eit behageleg nivå, ta omsyn til oss andre.

Biblioteket er eit sosialt rom, og det er lov å prate, hvile, ete, spele spel, surfe på nettet eller høyre på musikk her – så lenge du respekterer andre, lèt dei få arbeidsro og held orden.

Bruk innestemme og høyretelefonar, og gå ut viss du vil snakke i mobiltelefon.

Lånekort på mobilen

Lån film fra biblioteket

Filmbib lar deg låne norske filmar frå biblioteka i Noreg. Logg inn med Nasjonalt Lånekort og PIN utskrive av biblioteket.

Ring 56152334 Følg biblioteket på Instagram #askoyvgsbib

Låneregler

All material som vert teke ut av biblioteket må registrerast!

Lånetiden

4 veker for bøker og 7 dagar for filmar.

Oppslagsverk og handbøker er berre til bruk i biblioteket.

Reservering

Utlånte bøker kan reserverast. Du får melding når utlånt material vert tilgjengeleg for deg.

Fornye lån

Viss ingen står på venteliste, kan du fornye låna dine. Dette kan du anten gjere sjølv i appen bibliofil, i Mappa mi eller du kan vende deg direkte til bibliotekaren.

Erstatning

Du er sjølv ansvarleg for material som er lånt. Tapt eller øydelagt material må erstattast. Etter 2. purring utan reaksjon frå deg, vert det sendt rekning etter gjeldande erstatningssatsar.

Utlån av lærebøker

Lærebøkene dine får du utlevert på biblioteket. Du får bøkene når du viser fram kvittering frå signert lånekontrakt.

Her signerer du lånekontrakten

Vanleg lånetid for lærebøker er ut skuleåret. Dersom du har gløymt læreboka heime kan du få låne eit eksemplar som dagslån, dette med atterhald om at vi har ekstra eksemplar tilgjengeleg.

Lærebøkene skal leverast ved skuleslutt etter den planen biblioteket set opp. Bøker som ikkje vert levert tilbake må erstattast.

Reglement for utlån av lærebøker

Fordjupingsoppgåva i norsk i Vg3

Særemnet i norsk er ei fordjupingsoppgåve om ein sjølvvalt problemstilling med tema frå faget.

Du vel sjølv kva for ein del av norskfaget du vil ta utgangspunkt i. Du kan velje eit språkleg, eller språkhistorisk tema, litteratur, litteraturhistorie osb.

Bruk lenkene under for å få meir informasjon.

Tips til fordjupingsoppgåve

Kjeldekritikk

Søketeknikk i Google

Skulebibliotekar

Manuela Werler

Send e-post