Hordaland fylkesting forventar at staten bidreg med høgare rammer når byvekstavtalen skal reforhandlast i 2021. Tinget viser til gode resultat med redusert biltrafikk og auka kollektivtrafikk.
Ingen av forslaga på Hordaland fylkesting om bomstasjonplassering i Åsane bydel fekk fleirtal. Dermed er det ikkje noko vedtak i saka, og det vil truleg ikkje skje noka endring i plassering av bomstasjonane.
Like over påske, frå tysdag 23. april, blir det stor omlegging av busstrafikken i Bergen sentrum. Olav Kyrres gate blir stengt for oppussing og 35 bussruter får nye haldeplassar.
Utval for miljø og samferdsel i Hordaland har løyvt 42 millionar kroner til ulike tiltak som skal gjere skulevegar i Hordaland tryggare. I alt blir pengane fordelt på 29 tiltak i 20 kommunar.
Arbeidet med å bygge den lengste sykkeltunnelen i verda er i gang. Sprengingsarbeidet har starta i Fyllingsdalen. Den 2900 meter lange sykkeltunnelen skal gå parallelt med den nye bybanetunnelen. Gjennomslag er venta i november 2020.
– Dette er ei offensiv satsing på grønt skifte og miljøvenleg transport. Då vi behandla det nye bussanbodet, løfta vi miljøprofilen betydeleg, som eit naturleg framhald av fergeanboda. For dei styrande partia i Hordaland er dette svært viktig, seier fylkesordførar Anne Gine Hestetun etter at Enova gir 36 millionar kroner til elektrifisering av bussar i Bergen.
– Vi gjer no endringar i arbeidet med neste Nasjonal transportplan. Dette inneber politisk medverknad tidlegare i arbeidsprosessen og moglegheit til å spille inn prioriteringar knytt til rassikring, sa samferdselsminister Jon Georg Dale på Nasjonal rassikringskonferanse på Flesland i dag.
– Vi er svært glade, seier fylkesordførar Anne Gine Hestetun etter at kollektivtrafikken i Hordaland sette ny rekord i fjor med heile 73 millionar påstigingar. Bybanen aukar mest med heile 18 prosent, men buss og båt har og fin auke.
– Kollektivtrafikk er ein av våre viktigaste saker, og pris har mykje å seie for å få fleire til å reise kollektivt, seier fylkesordførar Anne Gine Hestetun etter at mange av billettprisane blir lågare, og fleire barn får reise gratis.
Den nye, knallraude gang- og sykkelbrua mellom Amalie Skram videregående skole og Bergen Brannstasjon er offisielt opna. Den har fått namnet Nonnekloppen, er 72 meter lang og har kosta 60 millionar kroner.
Fylkeskommunen deler tilgjengeprisen saman med Statens vegvesen region vest, for utforminga av det nye veganlegget, fylkesveg 209, parsellen mellom Storskaret og Arefjordpollen på Litlesotra.
Når det skal etablerast nye busstopp på fylkesvegar i Hordaland, er det som hovudregel ordinære busslommer skal som nyttast. Det vedtok fylkesutvalet 6. desember.
– Hordaland er eit stjerneeksempel på korleis det offentlege kan bruke innkjøpsmakt miljøvennleg og innovativt, seier adm.dir. Frank Jaegtnes i Elektroforeningen etter at Hordaland er kåra til beste fylke på elektrifisering.
– Samfunnet endrar seg raskare enn før, seier fylkesordførar Anne Gine Hestetun etter at Hordaland fylkeskommune har fått 12,5 millionar kroner av staten for å teste ut smarte transportløysingar for framtida. Mellom anna er sjølvkøyrande elektriske minibussar i Bergensområdet aktuelt.
Bybanen Utbygging har i dag signert kontrakten på bygging av Løvstakktunnelen med det sveitsiske selskapet Marti Tunnelbau AG. Kontrakten, på om lag 800 millionar kroner, er den første store kontrakten på utbygginga av Bybanen til Fyllingsdalen.
Administrasjonen i Hordaland fylkeskommune og Bergen kommune har gått i dialog for å vurdere eit tettare samarbeid om kollektivtrafikken i Bergensområdet. Bakgrunnen er eit felles ønske om å sikre betre samordning og styrke tilbodet til dei reisande.
– Med dette blir vi best i klassen i landet, seier fylkesordførar Anne Gine Hestetun etter at Hordaland fylkeskommune har gjeve 4,4 millionar kroner til utbygging av 78 nye ladepunkt for elbil. 22 av desse blir såkalla lynhurtigladepunkt som gjev god lading på berre 10 minutt.
18 har søkt på stillinga som direktør i Skyss. Blant dei som har søkt er fylkesvaraordførar Pål Kårbø. – Dette er gode søkjarar! Direktørstillinga er ein av dei mest spennande jobbane i regionen, seier fylkesdirektør for samferdsel, Håkon Rasmussen.
– Dette kom overraskande, seier fire jenter i Kvinnherad som har fått Trafikksikringsprisen for Hordaland 2018. Prisen er honnør for kampanjen dei har gjennomført etter mange dødsulukker blant unge menn i kommunen.
– Dette er ei god løysing som ivaretek trafikktryggleiken, seier leiar av utval for miljø og samferdsel, Jon Askeland, etter at Sekse i Ullensvang har fått to vegmaster med solcelleteknologi.
I samband med ny kontraktperiode for bussrutene i Bergen sentrum og Bergen nord, inkludert Osterøy, legg Hordaland fylkesutval opp til å kutta CO2-utsleppa med 65 prosent.
Elbilar og andre nullutsleppskøyretøy skal betala 50 prosent bompengar ved alle bompengeprosjekt i Hordaland. Unnatak er bomringen i Bergen der det tidlegare er vedteke elbiltakst på 10 og 20 kroner.
– Vi prøver å gi eit godt kollektivtilbod til alle i Hordaland og er glade for at fleire reiser kollektivt, seier konstituert fylkesrådmann Ingrid Holm Svendsen etter at ho har lagt fram fylkesbudsjettet for neste år.
