Utval for miljø og samferdsel i Hordaland har løyvt 42 millionar kroner til ulike tiltak som skal gjere skulevegar i Hordaland tryggare. I alt blir pengane fordelt på 29 tiltak i 20 kommunar.

– Det er lett å rydde, men ikkje lett å ta med seg og levere til forsvarleg avhending. Vi må få ei nasjonal ordning for handtering av marint søppel, sa Ruben Oddekalv i Norges Miljøvernforbund på konferansen om samordning av arbeidet mot marin forsøpling på Vestlandet.

Ved utløpet av fristen kl. 12.00 1. april hadde 17 parti stilt liste til det første fylkestingsvalet for Vestland fylkeskommune. Fire parti er nye, mens to er ute i høve dei noverande fylkestinga.

– Eg hadde aldri trudd vi skulle få nye lokale så fort, seier klinikkleiar Ellen Holmemo ved Øygarden tannklinikk. Fredag 29. mars vart den nye tannklinikken som skal binde saman nye Øygarden kommune opna på Straume.

– Dette er eit flott engasjement av ungdommen i Bergen, Hordaland og verda for klima. Vi må vere fleksible slik at elevane ikkje får fråvær i ei så viktig sak, sa fylkesordførar Anne Gine Hestetun då fylkesutvalet behandla klimaaksjonen til elevane.

Hordaland fylkesutval har samrøystes vedteke å gje fritak for bompengar for hydrogenbilar og utsleppsfrie varebilar og lastebilar.

Mange møtte fram på dialogmøtet i Førde 26. mars om den nye Vestland fylkeskommune. Det var stort engasjement, spesielt frå ungdomen som tala varmt om å ta vare på miljøet.

Fellesnemnda sitt arbeidsutval ber administrasjonen jobbe vidare med fjord og fjell som motiv på fylkesvåpenet til nye Vestland fylkeskommune.

– Den nye fylkeskommunen må bli ein bjellesau for kulturlivet, sa fylkesdirektør Karen Espelund på den første kulturkonferansen for Vestland fylkeskommune.

– Vi har eit forslag til ny visjon om at vi skal vere fysisk aktive kvar dag, sa Britt Karen Spjeld på konferansen om idrettsanlegg i den nye Vestland fylkeskommune. Ho er seksjonsleiar for idrett og friluftsliv i Hordaland fylkeskommune.

Utval for kultur, idrett og regional utvikling har løyvd 18 millionar kroner i tilskot til å ta vare på freda kulturminne, kulturmiljø og kulturlandskap i privat eige. Den største løyvinga går til Havråtunet med 2,2 millionar kroner.

1000 år med kristendom i Noreg skal bli markert på Moster i 2024. Utval for kultur, idrett og regional utvikling sluttar seg til riksjubileet og tilrår å løyve 3,15 millionar kroner som startløyving.

Inntaksordninga og inntaksområda som gjeld for Hordaland og Sogn og Fjordane blir vidareført til å gjelde skuleåret 2020/21. Det vedtok fellesnemnda i dag.

Radøy kommune er kåra til årets kulturkommune i Hordaland for si langsiktige satsing på kulturlivet. Som fylkesvinnar er Radøy Hordaland sin kandidat i den nasjonale kåringa.

«Besteforeldrenes klimaaksjon» får Hordaland fylkeskommune sin miljøpris. Dei får prisen for for si tydelege stemme i klimakampen på tvers av generasjonar. Prisen på 50 000 kroner blei delt ut på fylkestinget tirsdag.

Den nye sammenslåtte skolen Laksevåg vgs og Bergen maritime vgs  skal heite Laksevåg og Bergen maritime vidaregåande skule.  Det vedtok fylkestinget i dag.  Fylkestinget vedtok òg å utsetje saka om nytt namn på Sotra vidaregåande skule til 2022.

Til Hordaland fylkesting tysdag 5. mars har politikarane meldt inn sju spørsmål og interpellasjonar. Miljøprisen for Hordaland skal delast ut, og beste kulturkommune i fylket skal kårast.

Hordaland fylkeskommune skal gi bort utrangert, men fullt brukbare datamaskinar, til organisasjonar eller stiftingar som kan ha nytte av dei. I 2018 fekk skular i Afrika og Sør-Amerika 20 PC-ar.

– Dette er ei offensiv satsing på grønt skifte og miljøvenleg transport. Då vi behandla det nye bussanbodet, løfta vi miljøprofilen betydeleg, som eit naturleg framhald av fergeanboda. For dei styrande partia i Hordaland er dette svært viktig, seier fylkesordførar Anne Gine Hestetun etter at Enova gir 36 millionar kroner til elektrifisering av bussar i Bergen.

– Fylkessamanslåinga er utan tvil noko av det viktigaste i år. Vi kjem til å ha eit tett samarbeid med ungdomspolitisk utval i Sogn og Fjordane, seier Oda Mehus, den nyvalde leiaren for ungdommens fylkesting.