– Vi har hatt eit godt samarbeid i mange år, og vi ser fram til vidare samarbeid, seier Emily Daly i Cardiff kommune. Ho var ein av mange som deltok på 25 årsjubileet for gjenreisinga av den norske sjømannskyrkja i den walisiske hovudstaden.
Hordaland er fylket som samla sett får mest midlar til internasjonal utveksling og samarbeid innan fag- og yrkesopplæring frå Erasmus+. Fylket og vidaregåande skular mottar til saman 541 489 euro for perioden 2017-2019.
– Hordaland er det klart største eksportfylket i landet. Derfor må vi tenke internasjonalt når vi snakker om kunnskap og behov for framtidig kompetanse, seier Bård Sandal, fylkesdirektør for regional utvikling. Tysdag arrangerte Hordaland fylkeskommune konferansen «Ny kompetanse for ei ny tid» i Bergen.
Tildelinga på 302 000 euro til mobilitetsprosjekt gjer det mogleg for Hordaland fylkeskommune å sende sende yrkesfagelevar, lærlingar og tilsette ved utdannings- og opplæringsinstitusjonar på praksisopphald i Europa. Ei av dei som får nyte godt av ordninga er lærlingen Princess Dayo Williams (20) som har utveksling på den anerkjente restauranten Mathias Dahlgren i Stockholm.
Søndag 11. september reiste 12 elevar frå Knarvik vidaregåande skule til Skottland for å sjå på fornybar energi gjennom havvind og tidevatn. I det internasjonale prosjektet er også Normandie i Frankrike med.
Gode modellar for kommunal administrasjon og tenester står på dagsorden i eit nytt prosjekt mellom Hordaland fylkeskommune og seks kommunar i Litauen. Ein delegasjon på 40 personar har gjesta fylket og fått innblikk i strategisk planlegging og anti-korrupsjonsarbeid.
Eit prosjekt i Nederland har sytt for mindre fråfall i skulen. No skal skular på Askøy, med god hjelp frå Hordaland fylkeskommune, lære av nederlendarane.
