På laurdag blei Vossajazz-prisen på 50.000 kroner delt ut til bassisten Anders Bitustøyl.

Like over påske, frå tysdag 23. april, blir det stor omlegging av busstrafikken i Bergen sentrum. Olav Kyrres gate blir stengt for oppussing og 35 bussruter får nye haldeplassar.

Sist veke var elevar frå Italia, Romania, Bulgaria og Belgia på besøk til Stend vidaregåande skule gjennom Erasmus-prosjektet Yell. Saman med Stend-elevane skal dei etablere ei ungdomsbedrift på tvers av landegrensene.

Utval for miljø og samferdsel i Hordaland har løyvt 42 millionar kroner til ulike tiltak som skal gjere skulevegar i Hordaland tryggare. I alt blir pengane fordelt på 29 tiltak i 20 kommunar.

Denne sommaren kan turistar reise som dei lokale i Hordaland, Rogaland og Sogn og Fjordane. Konseptet «Travel like the locals» blir no utvida frå Møre og Romsdal til heile Vestlandet.

På UKM-festivalen på Os i helga deltok nær 250 ungdommar frå heile fylket for å vise sine kulturelle uttrykk. Både litteratur, dans, film, musikk, kunst og teater stod på programmet på årets festival.

Korleis kan norske gründerar og startup-selskap samarbeide med kinesisk næringsliv og kome seg inn på den kinesiske marknaden? Det var spørsmålet delegasjonen med representantar frå næringshagane og inkubatorane i fylket, samt Hordaland og Sogn og Fjordane fylkeskommune søkte svar på i Kina førre veke.

– Det er lett å rydde, men ikkje lett å ta med seg og levere til forsvarleg avhending. Vi må få ei nasjonal ordning for handtering av marint søppel, sa Ruben Oddekalv i Norges Miljøvernforbund på konferansen om samordning av arbeidet mot marin forsøpling på Vestlandet.

Ved utløpet av fristen kl. 12.00 1. april hadde 17 parti stilt liste til det første fylkestingsvalet for Vestland fylkeskommune. Fire parti er nye, mens to er ute i høve dei noverande fylkestinga.

Hordaland fylkeskommune har innstilt LAB entreprenør som totalentreprenør og vinnar av pris- og designkonkurransen for nytt fylkeshus.

– Eg hadde aldri trudd vi skulle få nye lokale så fort, seier klinikkleiar Ellen Holmemo ved Øygarden tannklinikk. Fredag 29. mars vart den nye tannklinikken som skal binde saman nye Øygarden kommune opna på Straume.

– Dette er eit flott engasjement av ungdommen i Bergen, Hordaland og verda for klima. Vi må vere fleksible slik at elevane ikkje får fråvær i ei så viktig sak, sa fylkesordførar Anne Gine Hestetun då fylkesutvalet behandla klimaaksjonen til elevane.

Hordaland fylkesutval har samrøystes vedteke å gje fritak for bompengar for hydrogenbilar og utsleppsfrie varebilar og lastebilar.

– Mange ser til Hordaland når dei skal sjå kva som er dei rette grepa for framtida. Vi vil vere verdsleiande, men det stiller krav til næringslivet og oss, sa fylkesdirektør Bård Sandal på dialogkonferansen som skal betre fagskuleutdanninga.

Mange møtte fram på dialogmøtet i Førde 26. mars om den nye Vestland fylkeskommune. Det var stort engasjement, spesielt frå ungdomen som tala varmt om å ta vare på miljøet.

Fellesnemnda sitt arbeidsutval ber administrasjonen jobbe vidare med fjord og fjell som motiv på fylkesvåpenet til nye Vestland fylkeskommune.

Som første skule i Hordaland lagar Arna vidaregåande skule eigen straum, med 560 solcellepanel på taket. Og det er ikkje berre lågare straumrekning som kjem godt ut av prosjektet.

– Den nye fylkeskommunen må bli ein bjellesau for kulturlivet, sa fylkesdirektør Karen Espelund på den første kulturkonferansen for Vestland fylkeskommune.

Digitale verktøy for risikoanalyse, etablering av vatnkontor og nye måtar å organisere arbeidet  i kommunane på. Dei 80 deltakarane på Klimathon viste stort engasjement då dei presenterte sine løysingar for god klimatilpassing.

– Sjølvsagt er eg nøgd med å gå her, seier Walat iBrahim. Han er ein av dei 23 vaksne som takka ja til undervisning som førebur til generell studiekompetanse. «Forkurset» er eit samarbeid mellom Bergen kommune og Hordaland fylkeskommune, og undervisninga blir gitt på Bergen Katedralskole.