No kan du førehandsstemme på fylkestinget

9. september er valdagen. Men allereie no kan du førehandsstemme på kommunestyre- og fylkestingsvalet. Les alt om kvar og korleis du kan stemme.

 

9. september er det kommune- og fylkestingsval. Då skal innbyggjarane i nye Vestland fylke velje 65 representantar til det nye fylkestinget. Valet vert gjennomført som om fylka allereie er slått saman.

Fylkeskommunen har ansvar for dei vidaregåande skulane, tannklinikkane, fylkesvegene og kollektiv. I tillegg bidreg fylkeskommunen til kulturlivet og ivaretek kulturminnevernet. Fylkeskommunen skal òg legge til rette for å utvikle arbeidsplassar og næringsliv.

Du kan førehandsstemme frå 12. august til 6. september.

Gå inn på vlfk.no/val og les meir, og sjå alle våre fem animerte filmsnuttar!