VRI Hordaland

Programmet Virkemidlar for regional FoU og innovasjon (VRI) er Forskingsrådets særskilte satsing på forsking og innovasjon i norske regionar. I samarbeid med Forskingsrådet har Hordaland eit eige VRI prosjekt der målet er å betra samhandling mellom forskingsinstitusjonane og bedriftene i regionen.

Tilbod til bedrifter i Hordaland

VRI Hordaland kan tilby tenester ved hjelp av to hovudvirkemiddel:

1. Kompetansemekling - som tilbyr gratis besøk av ein formidlar med god kjennskap til forskingsmiljøa. Kan hjelpe med å kople bedrifta sine utfordringar med forskingsbasert kompetanse og ressursar. Har også ressursar til å delfinansiere prosjekt der bedrifta samarbeider med eit fou-miljø for å vidareutvikle ein forskingsidé.
2. Personmobilitet – som tilbyr hospitering og utvekslingsordningar mellom bedrifter og forskings- og utdanningsmiljø.

Kontakt oss dersom tilboda er av interesse for di bedrift.

Innsatsområde 2011-2013:

• Hovudfokus mot gryande og framveksande bedriftsnettverk og næringsklynger. Behovet for offentleg assistanse er størst når teknologien og marknadene er umodne og relasjonane mellom bedrifter og FoU-miljø i litan grad er utvikla. Ved å rette innsatsen mot nettverk av bedrifter, vert det og mogeleg å jobbe over tid med dei same bedriftene.
  
  
• Nytte dei to utvalde og suksessrike virkemidla: Kompetansemekling og mobilitet. Ved å fokusere ressursane vil vi og i større grad få høve til å drive med vidareutvikling av desse virkemidla, eksempelvis det å jobbe med ”kompetansemekling i nettverk”.
  
  
• Sikre VRI som en mobiliseringsordning for andre virkemiddel. Skal VRI utgjera ein forskjell, må det koplast  tett mot andre virkemiddel, og då særleg Regionalt forskingsfond. Vi har og etablert samarbeid med Arena prosjekta i fylket (Arena Offshorefartøy, MediaArena og Arena NOW), og har utvikle gode relasjonar til dei ansvarlege for dei bedriftsretta virkemidla i Innovasjon Norge og Noregs forskingsråd i fylket.

Samarbeid mellom tre partar

Hordaland fylkeskommune er ansvarleg for VRI Hordaland, men samarbeider  med Høgskolen i Bergen og Uni Research om gjennomføringa av prosjektet. I tillegg er det eit forskingsprosjekt i VRI Hordaland, leia av Stig Erik Jakobsen ved Høgskulen i Bergen.

Kontakpersonar VRI Hordaland