Opne idrettsanlegg

I tråd med visjonen om "Aktiv kvar dag" vil Hordaland fylkeskommune stimulere kommunar til å opne idrettsanlegga sine for eigenorganisert fysisk aktivitet.

Tilskotet skal bidra til at barn og unge får drive med fysisk aktivitet på eigne premissar, gjerne saman med søsken, vener, foreldre/føresette med fleire.

Kommunar.

For at kommunane skal kunne få midlar, må prosjektet forankrast både i kommune og hos anleggseigar/idrettslag/relevante samarbeidspartar. Idrettsrådet i kommunen skal også vere med.

Kommunen sjølv må og ”stille opp” økonomisk – tilskotet frå Hordaland fylkeskommune skal ikkje overstige 50 % av totalt kostnad.

Heile året. 

Det kan søkjast om å halde idrettsanlegg (symjehall, fotballbanar, fleirbrukshallar, alpinanlegg etc.) ope for eigenorganisert aktivitet for barn og unge. Det kan i visse tilfelle gjevast tilskot fleire gonger til same tiltak.

Inntil kr 40 000,-. 

For å få tilskot vert det forventa ein kortfatta søknad frå kommunen. Kommunale og andre økonomiske tilskot skal skildrast, samt kva for anlegg og aktivitetar som skal inngå i tiltaket.

Kommune og idrettslag skal arbeide saman; "spleiselag" både økonomisk og administrativt/praktisk

Det vert føresett at tiltaket skal vere eit fast tilbod til barn og unge: tilskotet er oppstartsmidlar og vidareføring er kommunen og idrettslaget ansvarleg for. 

Kommunane og idrettslaga skal sjølv ta avgjerd om kven tiltaket skal vere gjeldande for og korleis ein vil gjennomføre det. Det er eit krav at det er uorganisert barn og ungdom (opp til 19 år) tiltaket er gjeldande for.

Alle idrettslag/kommunar som får støtte, skal utarbeide ein kort evaluering for korleis pengane har vore brukt.

Hanne Espe, hanne.espe@hfk.no, tlf.: 55 23 91 78.

Seksjon for idrett og friluftsliv, kultur- og idrettsavdelinga.
Brosjyre om opne idrettsanlegg.

Søknad sendast Hordaland fylkeskommune, Kultur- og idrettsavdelinga, v/fylkesidrettssjefen, postboks 7900, 5020 Bergen.