Hordaland fylkeskommune gjennomførte i 2010 og 2011 ein identitetsprosess som grunnlag for langsiktig omdømebygging, kommunikasjonsstrategi og visuell profil. I forkant blei det utført spørjeundersøkingar blant tilsette, innbyggjarar, samarbeidspartnarar og fylkespolitikarar.
Funna frå undersøkingane vart tekne inn i det vidare arbeidet, der nærare
150 medarbeidarar på alle nivå tok del. Arbeidet resulterte i visjon og verdiar, samt formuleringar til samfunnsoppdrag for heile organisasjonen og for dei enkelte avdelingane. Dette skal inspirere og gi retning for alle i organisasjonen når det gjeld strategiutvikling, måloppnåing, kommunikasjon og visuell profilering.
Det er viktig at alle følgjer retningslinene i profilhandboka. Berre slik oppnår vi konsekvent bruk av profilen og ein sterk og tydeleg identitet.
Lenkje
Verdiar og samfunnsoppdrag
Namn, fylkesvåpen og logo
Omdømerapport om Hordaland fylkeskommune (2011): ”På sporet av en identitet”