Landskapet

Hordaland fylke ligg i sørvest Noreg, sentralt på Vestlandet mellom Sogn og Fjordane i nord og Rogaland i sør. I aust grensar fylket til Buskerud og Telemark og i vest til Nordsjøen, med Skottland på hi sida av havet. Fastlandsområdet trer på kartet fram mest som ein halvsirkel.

Fjellandskap i Granvin, Skamdalshorgi i bakgrunnen.
Foto: Christoffer Knagenhjelm

Det totale landområdet er 15 440 km2 og omfattar også talrike øyar. Hordaland har nesten 9000 km med kystline.

Fylket er splitta i to frå sørvest til nordaust av den 179 km lange og djupe Hardangerfjorden, Noregs nestlengste fjord og ein stor turistattraksjon.

Landskapet er variert og storslått med høge fjell, fjellplatå – Hardangervidda, fjordar, imponerande fossefall, isbrear – Folgefonni i sør og Hardangerjøkulen i aust, øyer, skjer og lune vikar.

Austre delen av Hordaland er dominert av Hardangervidda, eit stort, bølgjande fjellplatå.

Noregs vestlegaste punkt på fastlandet er Vardetangen i Austrheim kommune.