Fylkeskommunen
Fylkeskommunen tek seg av oppgåver som er for store til at alle kommunar kan klara dei åleine, eller saker som går på tvers av kommunane. Fylkeskommunen er ingen "overkommune", men har sjølvstendige oppgåver, som byggjing og drift av vidaregåande skular, regional utvikling og planlegging, kultur og kulturminnevern, kollektivtrafikk, næringsutvikling og tannhelseteneste.
Øvste styringsorgan i fylkeskommunen er fylkestinget. Det er fylkestingsval kvart fjerde år samstundes med kommunestyrevalet. Fylkesordføraren er den øvste politiske leiaren, medan fylkesrådmannen tek seg av den administrative leiinga.
Kommunane
Det er 33 kommunar i fylket, sjå
Kommunar i Hordaland - kart med link til kommunane sine heimesider.
Kvar kommune vert styrt av eit folkevald kommunestyre med ordføraren som den politisk valde leiaren.
Sjå her om regionalisering og interkommunalt samarbeid.
Fylkesmannen i Hordaland
Staten er også representert i fylket. Fylkesmannen er kongen og regjeringa sin representant i fylket. Fylkesmannsembetet utfører ei rekkje forvaltingsoppgåver overfor kommunar og enkeltpersonar, og er klage- og tilsynsmynde.
Meir informasjon: I venstre- og høgremenyen, og under temaområde i menyen oppe.
Lenkene er sjekka 05.08.2009