Storparten av midlane – ca. 174 mill. kr går til tiltak for og støtte til næringslivet. 78 mill. kr går til anna lokal og regional utvikling og nær 8 mill. kr til friluftsliv og miljø.
Klimaplan
Til gjennomføring av klimaplanen for Hordaland er det sett av til saman 2,9 mill. kr. Midlane skal gå til tiltak som blir prioritert i handlingsprogrammet for klimaplanen. I tillegg er det foreslått å øyremerka 2 mill. kr innanfor Regionalt Utviklingsprogram til klimarelaterte tiltak innan næringsutvikling.
Regional planlegging
Fylkeskommunen styrkjer det regionale utviklingsarbeidet m.a. gjennom prioritering av midlar til regional planlegging med 2 564 000 kr. Samordna areal- og transportplanlegging i bergensområdet, regional plan for Sunnhordland med fokus på sjøareal og akvakultur og revisjon av fylkesplan for senterstruktur, service og handel er blant dei høgt prioriterte planoppgåvene. I tillegg skal det utarbeidast ny regional planstrategi.
Reduserer ureining
Den sjøgåande godstransporten skal styrkjast og gjerast meir miljøvenleg gjennom prosjektet Clean North Sea Shipping som fylkeskommunen leier. EU støttar prosjektet med 16 mill. kr over 3 år. Fylkeskommunen bidreg med eigenfinansiering på 3,1 mill. kr over 3 år. Gjennom prosjektet skal ein koma opp med forslag til tiltak som reduserer luftutslepp frå skip, særleg når desse ligg i hamn.
Folkehelse
Folkehelsearbeidet får ei samla løyving på nær 4,2 mill. kroner, ei styrking på ca. 450 000 kr. Midlane går mellom anna til folkehelsetiltak i kommunane og prosjekt og aktivitetar i regi av fylkeskommunen og ulike organisasjonar.
Friluftsføremål
Løyvinga til friluftsføremål aukar med ca. 0,7 mill. kr til vel 7,7 mill. kr. Av dette gjeld 280 000 kr tilskot til merking av turløyper. Bergen turlag får 375 000 kr i tilskot, 150 000 meir enn i 2011. Tilskotet til Vestkystparken aukar med 100 000 kr til 1,1 mill. kr.
Meir om budsjettet til regional utvikling, sjå samandrag av fylkesbudsjettet 2012, side 23-26
Budsjettdokumentet for regional utvikling
Samla budsjettforslag Hordaland fylkeskommune 2012