Deltaking i nasjonale og europeiske regionale organisasjonar
Som medlem av Vestlandsrådet og dei tre europeiske organisasjonane Assembly of European Regions (AER), Conference of Peripheral and Maritime Regions (CPMR) inkludert den geografiske kommisjonen North Sea Commission (NSC) og Baltic Sea States Subregional Cooperation (BSSSC), får Hordaland fylkeskommune informasjon om og innverknad på den regionalpolitiske utviklinga i Norge og Europa.
Vestlandsrådet Nettside
Vestlandsrådet er eit formelt samarbeidsråd mellom fylkestinga på Vestlandet. Dei fire fylkeskommunae, som har etablert rådet, er Rogaland, Hordaland, Sogn og Fjordane og Møre og Romsdal. Ambisjonen er å overføre reell avgjerdsmynde til rådet. Vestlandsrådet skal arbeide for å utvikle Vestlandsregionen gjennom m.a.: felles satsing, utviklingsprosjekt og andre tiltak som tener regionen; fremme interessene til regionen; arbeide for å kunne forvalte, heilt eller delvis, statlige oppgåver, ressursar og virkemiddelstyring.
Kontaktperson HFK: Matti Torgersen, Utviklingsseksjonen, Regionalavdelinga
Assembly of European Regions (AER) Nettside
AER blei stifta i 1985 og har omlag 250 medlemer. Hovudmålet er å stimulera til dialog, diskusjon, studiar og samhandling mellom regionar i land som er medlem av EU og /eller Europarådet. Det er lagt stor vekt på det politiske arbeidet opp mot rammevilkåra i Europa. Organisasjonen har fire underkomitear: 1. Økonomisk og Regional Utvikling, 2. Sosialpolitikk og Offentleg Helse, 3. Kultur, utdanning, ungdom, media, IT og regionalt og internasjonalt samarbeid, og 4. Institusjonelle saker.
Kontaktperson HFK: Marit Einen, Internasjonal seksjon, Regionalavdelinga
Conference of Peripheral and Maritime Regions (CPMR) Nettside
CPMR er moderorganisasjonen for Nordsjøkommisjonen. Medlemer er i hovudsak perifere kystregionar i Europa. Organisasjonen arbeider med problemstillinga "Sentrum vs. Periferi" og er oppteken av balansert utvikling av regionane. CPMR fokuserer på utkantproblem, fråflytting og betre regional utnytting av ressursane. Gjennom denne organisasjonen har Hordaland fått auka fokus på saker som blir tatt opp i Nordsjøkommisjonen, bl.a. sjøtransport, radioaktiv forureining, osv. Organisasjonen arbeider elles målretta og effektivt inn mot ulike organ i EU med regionale spørsmål.
Kontaktperson i HFK: Gudrun Mathisen, Klima- og naturressursseksjonen, Regionalavdelinga
North Sea Commission (NSC) Nettside
Nordsjøkommisjonen, som vart oppretta i 1990, er ein av seks geografiske kommisjonar under den politiske paraplyorganisasjonen CPMR der Hordaland fylkeskommune er medlem. Hovudmålet er å fremje samarbeid mellom regionane rundt Nordsjøen og arbeide for å påverke EU. NSC har 36 medlemsregionar frå 8 land i nordsjøregionen: Skottland, England, Belgia, Nederland, Tyskland, Danmark, Sverige og Noreg. 15 fylkeskommunar i Noreg er medlemar. Alle dei fire Vestlandsfylka er med.
NSC har 5 temagrupper: 1.Culture & Tourism, 2. Innovation & Education, 3. Marine Resources, 4. Sustainable Development og 5.Transport . Dei to første gruppene har sekretariat i Rogaland fylkeskommune. Gruppene møter 3 til 4 gongar i året.
Kontaktperson i HFK: Charlotte Lillefjære-Tertnæs, Internasjonal seksjon, Regionalavdelinga
Meir om HFK sine representantar i NSC
Baltic Sea States Subregional Cooperation (BSSSC) Nettside
BSSSC er eit politisk nettverk for regionane i dei 10 landa som grensar til Østersjøen. Samarbeidet kom i stand i Stavenger i 1993 og Hordaland har vore med sidan 2000