Programsamarbeid

Hordaland Fylkeskommune deltek i ei rekkje internasjonale program. Dei fleste av disse er europeiske program med økonomisk og administrativ støtte frå EU.

Norsk deltaking i EU-program - generelt

Som EØS-medlem har norske verksemder, organisasjonar og offentlege institusjonar høve til å delta i ei rekkje EU-program innan eit breitt spekter av tema.

For programperioden 2007-2013 kan Noreg delta i disse programma.

Konkrete programsamarbeid

Sjølv om Noreg har tilgang til over 30 ulike program, fokuserar fylkeskommunen sin innsats om 3 større program:

Programmet for Livslang Læring

EUs program for livslang læring (LLP) består av fem underprogram, der følgjande fire sektorprogram utgjør hovuddelen:

Comenius for barnehage, grunnskole og vidaregåande skole (samt lærarutdanning).
Erasmus for høgare utdanning.
Grundtvig for vaksne si læring.
Leonardo da Vinci for yrkesopplæring og -praksis samt større prosjektsamarbeid mellom utdanningssektoren og næringslivet.

I tillegg er det oppretta eit tverrgåande program som er tematisk organisert for å støtte prosjekt som famnar om fleire av sektorane i utdanningsløpet

I Hordaland fylkeskommune er Internasjonal seksjon regional koordinator for Leonardo da Vinci og gir hjelp i søknadsprosessen og med prosjektgjennomføringa. Her finn du meir informasjon om tenestene dei kan tilby innafor programmet

Aktiv Ungdom

"Aktiv ungdom" er EU sitt ungdomsprogram for ikkje-formell læring. Det er ei fortsetting av EU-programmet "Ung i Europa". Du kan finne meir informasjon på det nasjonale kontoret si heimeside ”Aktiv ungdom – Noreg”

I Hordaland fylkeskommune er Internasjonal seksjon regional koordinator for programmet og gir hjelp i søknadsprosessen og med prosjektgjennomføringa. Her finn du meir informasjon om tenestane dei kan tilby innafor programmet.

Interreg

Interreg er EU sitt program for grenseoverskridande regionalt arbeid. Programmet blei oppretta for å styrkje samarbeidet i grenseområde og auka sosial og økonomisk integrasjon mellom europeiske (nabo)regionar.

Interregprogrammet har følgjande delprogram:

Interreg A: grenseregionalt samarbeid,
Interreg B: transnasjonalt samarbeid, som fremjar territorial integrasjon ved å utvikla regionale strategiar
Interreg C: interregionalt samarbeid, som føregår uavhengig av geografisk plassering

Interreg III-perioden gikk frå 2000 til 2006, og Hordaland fylkeskommune deltok i fleire prosjekt innan rammene av Interreg IIIB- og IIIC-programma.

Innan Interreg IV programmet, som går frå 2007-2013, kan Hordaland Fylkeskommune delta under følgjande program:

- Interreg IVB - regional samarbeid :