Fylkesutvalet slutta seg 26. januar til forslaget om å etablere eit Rallarvegråd for å samordne ulike interesser omkring Rallarvegen.
Fylkesutvalet har oppnemnt Svein Halleraker (H) og Natalie Golis (R)(vara) som medlemer av Rallarvegrådet. Hordaland fylkeskommune har tatt på seg sekretariatsansvaret.
Rallarvegrådet si oppgåve
Rallarvegrådet er sett saman av representantar frå Jernbaneverket, NSB, Ulvik herad, Hol kommune, Aurland kommune, Villreinnemnda, næringsinteressene, friluftslivsinteressene (DNT) samt fylkeskommunane Hordaland, Sogn og Fjordane og Buskerud. Jernbaneverket eig og driftar vegen. Rådet skal ta opp saker som gjeld Rallarvegen som er av interesse for kommunale og andre involverte aktørar.
Populær sykkelveg
Rallarvegen er anleggsvegen over høgfjellet bygd i samband med framføring av Bergensbanen for over 100 år sidan. Rallarvegen er landets mest populære sykkelveg og vert nytta av 25 000 syklistar i sommarsesongen. Vegen er viktig for for reiselivsnæringa og andre næringsdrivande i området, men det er òg andre brukarinteresser knytt til vegen. (Foto: Hanne Windsholt)
Sak 20/12 i fylkesutvalet 26. januar 2012
Sjå tidlegare nettoppslag om Rallarvegen juli 2011