Samarbeidsrådet for Sunnhordland har sendt planprogram for interkommunal strandsoneplan på høyring. Planarbeidet omfattar Austevoll, Bømlo, Etne, Fitjar, Kvinnherad, Stord, Sveio, Tysnes og Fusa.
Samarbeidsrådet godkjende i møte 8.desember 2011 å senda planprogrammet ut på høyring med uttalefrist 15. februar 2012, samstundes som det vert varsla oppstart av planarbeidet.
Hordaland fylkeskommune er representert i planarbeidet ved plansjef Marit Rødseth (styringsgruppa) og seniorrådgjevar ved Planseksjonen Eva Katrine Ritland Taule (ressursgruppa).
(Foto: Samarbeidsrådet for Sunnhordland)
Planområdet omfattar i hovudsak 100-metersbeltet langs sjøen og 50 m ut i sjø frå strandlina. Planarbeidet vert gjennomført på kommuneplannivå som kommunedelplan etter kapittel 11 i Plan- og bygningslova.
Planen skal innehalda dei tema/ føremål som er naturleg å ta opp for ein arealplan som omfattar strandsona på eit kommunalt overordna nivå. Det er særleg aktuelt å sjå på tema som er felles for kommunane når det gjeld bruk og vern av areal i strandsona.
Les meir på Samarbeidsrådet sine nettsider