Rettleiaren frå Miljøverndepartementet skal vere eit planverktøy kommunane kan bruke i arbeidet med kommunal planstrategi. I tillegg har Kommunenes Sentralforbund no utarbeidd ein mal for kommunal planstrategi.
- Eit planverktøy i skreddarsaum
Rettleiaren vil vere eit planverktøy i arbeidet med kommunal planstrategi, som alle kommunar skal ha ferdig innan eit år.
- Vi oppmodar kommunane til å
bruke rettleiaren som ein hjelpemiddel til å skreddarsy den kommunale planstrategien, seier Marit Rødseth, plansjef i Hordaland fylkeskommune.
Innhald
Rettleiaren er delt inn i fem hovudkapittel
- Kommunal planstrategi som verktøy
- Nærare om lovbestemmelsen
- Kommunal planstrategi og kommuneplanavdelinga
- Forholdet mellom kommunal- og regional planstrategi og nasjonale forventingar
- Det praktiske arbeidet med kommunal planstrategi
Målgruppe
Målgruppa for rettleiaren er i hovudsak alle kommunane som skal i gong med arbeidet med kommunal planstrategi. I tillegg vil fylkeskommunar, statlege organ, organisasjonar og institusjonar som deltek i arbeidet med kommunal planstrategi ha nytte av rettleiaren.
Mal for kommunal planstrategi
Kommunenes Sentralforbund (KS) har utarbeidd ein mal for å hjelpe kommunene i arbeidet med kommunal planstrategi. Ved å velje kommune til høyre på nettsida http://planleggingsportalen.no/ kan ein laste ned ein ferdig disposisjon for kommunal planstrategi med grunnlagsdata for kommunen. Det vert automatisk importert tabellar og grafar på ca 30 indikatorar som vil vere eigna for å kommentere utviklingstrekk, utfordringer og muligheter mm. Kommunane kan sjølve velje ut dei elementa fra malen og dei data som er ønskjeleg.
Relevante dokument og nettsider:
Rettleiar i kommunal planstrategi (Miljøverndepartementet)
Mal for kommunal planstrategi på http://planleggingsportalen.no/
Nasjonale forventingar til regional og kommunal planlegging (Miljøverndepartementet)
Regional planstrategi
Om kommunal planstrategi på Hordaland fylkeskommunes sider