Veritas har på oppdrag for HFK vurdert teknologikombinasjonar for ferjedrifta i neste anbodsrunde her i fylket.
Av energiberarar peikar LNG og elektrisitet seg ut som dei mest miljøvenlege. Når det gjeld energiomformarar er gassmotorar og batteri dei som er mest miljøvenlege og kostnadseffektive. Elles peikar det seg ut tre kombinasjonar som det bør sjåast nærare på; diesel- og gasselektriske hybridferjer, LNG-drivne ferjer og batteriferjer.
Siktemålet er å kunna stilla krav om ny og miljøvenleg framdriftsteknologi i eitt eller fleire ferjesamband i konkurransegrunnlaget for neste anbodsrunde i ferjedrifta. Fylkesutvalet har i møte 28.11.2011 bedt om å få attende ei sak med opplegg til eit hovudprosjekt.
Forprosjektrapport