Fylkestrafikksikringsrådet i Hordaland (FTR) er eit rådgjevande organ samansett av representantar frå ulike forvaltningsetatar og private organisasjonar som er knytt til trafikkarbeid. Samferdselsutvalet fungerer som fylket sitt fylkestrafikksikringsutval (FTU).
Fylkeskommunen sin fireårige handlingsplanen for trafikksikring er eit grunnelement i arbeidet til FTR, og skisserer også dei særskilde satsingsområda i perioden. Planen gjev eit oversyn over økonomiske råmer og fordeling av midlane.
Handlingsplan for trafikksikring i Hordaland 2010-2013 (pdf-fil)
Tilskot til kommunale trafikksikringsplanar
Det er eit ynskje hjå fylkeskommunen at alle kommunane til ei kvar tid har oppdaterte trafikksikringsplanar. Kommunane i Hordaland kan søkje om tilskot til utarbeiding av slike planar. Det kan søkjast om tilskot til mellom anna nødvendig innleige av hjelp til utarbeiding av plan, trykking osb., men ikkje til bruk av kommunale ressursar. Hordaland fylkeskommune har løyvd kr 500.000 til utabeiding av kommunale trafikksikringsplanar i 2012. Frist for å søkje om tilskot er sett til 15. november 2012. Alle søknadane vert vurdert samla. Søknaden vert å sende i eige brev til Hordaland fylkeskommune ved Fylkestrafikksikringsrådet innan fristen.
Søknader om tilskot til trafikantretta tiltak - haldningskapande arbeid
FTR handsamar også søknader frå lag, skular, barnehagar, kommunar, organisasjonar osb. som søkjer om tilskot til trafikantretta tiltak. Dette kan for eksempel vere søknader til ulike trafikkopplæringsprosjekt eller materiell til trafikkopplæring. Det vert søkt på eige søknadsskjema.
Søk om tilskot