Handlingsprogram for fylkesvegnettet 2010-2013

Handlingsprogrammet legg rammene for investeringar, drift og vedlikehald og kjøp av ferjetenester på fylkesvegnettet i Hordaland i åra framover.

Vedteke handlingsprogram

Handlingsprogrammet 2010-2013(19) for fylkesvegnettet ligg no føre. Dette legg rammene for investeringar, drift og vedlikehald og kjøp av ferjetenester på fylkesvegnettet i Hordaland i åra framover.

Handlingsprogrammet vart vedteke på fylkestinget 9. desember 2009. Fylkesvegnettet er frå 2010 sterkt utvida på bakgrunn av forvaltningsreforma, som vart gjort gjeldande frå 1. januar 2010. Fylkesvegnettet i Hordaland er med reforma auka frå om lag 1 750 km til om lag 2 900 km veg etter at det meste av det tidlegare øvrige riksvegnettet er omklassifisert til fylkesvegar.

Sentrale stikkord for satsinga på fylkesvegnettet i Hordaland i perioden 2010-2013 er:

Oppfylling av eksisterande forpliktingar og ferdigstilling av påbegynte prosjekt
Sterk satsing på vidareføring av Bergensprogrammet i samarbeid med Bergen kommune, inkludert ein auke i satsinga på programområde (sekkepostar) med 50 %
Vidareføring av 2009-nivå i satsinga på ferjedrifta
Oppstart av fem nye, strekningsvise investeringsprosjekt med til saman 133 mill kroner i fylkeskommunale midlar
Ein auke på om lag 15 % til drift og vedlikehald på vegnettet i høve til 2009
Ein auke i satsinga på programområda (sekkepostane) utanfor Bergen i høve til perioden 2006-2009
Fokus på å ta vare på heile fylkesvegnettet, både dei ”gamle” og ”nye” fylkesvegane
Oppretting av ein ”til rådvelde”-post som skal ta vare på moglegheiter for mindre spleiselag etter lokale initiativ”

Les handlingsprogrammet (pdf)