Skoleskyss

Samferdselsavdelinga organiserer og finansierer skoleskyss for elevar i grunnskolen og den vidaregåande skolen i Hordaland.

Søknad om særskild skoleskyss

Grunnskolen

Hordaland fylkeskommune er i følgje opplæringslova ansvarleg for skoleskyss for elevar i grunnskolen og har vedtaksmynde i slike saker. Dette gjeld ikkje skyss på grunn av særleg farleg eller vanskeleg skoleveg under 4000 meter (2000 meter for elevar i
1. klasse). I slike saker har kommunane vedtaksmynde. Funksjonshemma elevar har rett på skoleskyss uavhengig av avstand.

Vidaregåande skole
I Hordaland nyttar elevane som hovudregel ungdomskort til skoleskyssen. Dette gjeld også elevar med avstand heim-skole over 6 km. Det betyr at funksjonsfriske elevar under 20 år som bur innanfor definerte område med tilfredsstillande kollektivtilbod på fritida ikkje har rett på gratis skolereisekort. Dei må løyse ungdomskort om dei ønskjer skyss.

Unnatak frå denne reglen er elevar over 20 år, eller som bur utanfor dei definerte områda med "tilfredstillande kollektivtilbod". Føresetnaden for fri skoleskyss er at dei oppfyller vilkåra i opplæringslova, dvs at ein har meir enn 6000 meter mellom heim og skole eller av andre særskilde grunnar har rett på fri skoleskyss.

Elevar som ikkje har fylt 16 år før skolestart, må i tillegg til identifikasjonskort og ha med bevis på tildelt skoleplass.

Kontaktpersonar skoleskyss

Område	Kontaktperson HFK
Bergen: Arna Bergenhus Fyllingsdalen Laksevåg Loddefjord	Gunhild Raddum (Tlf: 55 23 93 54)
Bergen: Fana Ytrebygda Årstad Åsane	Knut Djuve (Tlf: 55 23 93 52)
Askøy	Gunhild Raddum (Tlf: 55 23 93 54)
Hardanger	Knut Djuve (Tlf: 55 23 93 52)
Nordhordland og Osterøy	Knut Djuve (Tlf: 55 23 93 52)
Os, Fusa og Sunnhordland	Kathrine Sundt (Tlf: 55 23 93 48)
Samnanger	Knut Djuve (Tlf: 55 23 93 52)
Sotra og Øygarden	Gunhild Raddum (Tlf: 55 23 93 54)
Vaksdal	Gunhild Raddum (Tlf: 55 23 93 54)
Voss og Modalen	Kathrine Sundt (Tlf: 55 23 93 48)