Arkiv (eldre saker)

Handlingsprogram 2010-2013(19) for det nye fylkesvegnettet i Hordaland – høyring av utkast

Hordaland fylkeskommune blir frå 2010 vegeigar for eit langt meir omfattande vegnett enn tidlegare. Bakgrunnen for dette er endring av ansvarsforhold etter forvaltningsreforma som tek til å gjelde frå 1. januar 2010. Ansvaret for store delar av det øvrige riksvegnettet og dei fleste riksvegferjene blir med dette overført frå Statens vegvesen til fylkeskommunane.

I handlingsprogrammet vert viktige føresetnader, målsetjingar, økonomiske rammer og prioriteringar for det nye fylkesvegnettet presenterte.

Les utkastet her

Høyringskonferanse om det framtidige fylkesvegnettet
10. september inviterte Hordaland fylkeskommune og fylkesordførar Torill Selsvold Nyborg til høyringsseminar om det framtidige fylkevegnettet etter forvaltningsreforma.

Frå 1. januar 2010 overtek fylkeskommunane det meste av dagens øvrige riksvegnett med tilhøyrande ferjesamband frå Statens vegvesen.

Eit handlingsprogram med omtale av status, utfordringar, økonomiske rammer og prioriteringar på det nye fylkesvegnettet dei neste ti åra ligg til høyring i perioden 1. juli – 1. oktober.

På høyringsseminaret presenterte Hordaland fylkeskommune og Statens vegvesen Region vest arbeidet med forvaltningsreforma og handlingsprogramutkastet.

Meir enn 80 deltakarar frå kommunar, næringsliv og organisasjonar bidrog til eit spanande seminar med mange gode innspel til det vidare arbeidet fram mot endeleg handsaming av handlingsprogrammet på fylkestinget 8.-9. desember.

Presentasjonar frå innleiarane finn ein her

Støtte til frivillige trafikksikringstiltak i 2008 - Trafikantretta tiltak

Hordaland fylkeskommune har dei siste åra løyvd 1 mill. kr til trafikksikring retta mot frivillig trafikksikringsarbeid, trafikkantretta tiltak - Slik og i 2008.

Midlane vert tildelt etter søknad til lag og organisasjonar som frivillig eller på ideell basis arbeider trafikktryggleik. Tiltaka som det kan søkast om må rette seg mot ulike måtar å endra på trafikantatferda. Fylkestrafikksikringsrådet i Hordaland (FTR-Hordaland) fordelar midlane.

Det er ein føresetnad at den som mottek støtte ikkje får nokon økonomisk vinst ved å gjennomføre tiltaket.

Søknad skal sendast til Statens vegvesen, Bergen distrikt, v/ FTR-sekretær, Postboks 3645 Fyllingsdalen, 5845 Bergen.

Drosjer og drosjeløyve i Bergensområdet - evaluering

Hordaland fylkeskommune har utarbeidd ei evaluering av drosjeverksemda i Bergensområdet der informasjon og statistikk frå ulike kjelder er nytta for gjere ei heilskapeleg vurdering av kapasitetssituasjonen.
25.01.2008 Les heile saka

Ønskjer ny bystasjon innan 2010

Den 50 år gamle Bystasjonen skal no oppgraderast. Hordaland fylkeskommune, Bergen kommune, Nygårdstangen AS og Statens vegvesen presenterte fredag planane for den nye Bystasjonen.

Les heile saka

Mål, strategiar og rutestruktur for kollektivtrafikken i Bergensområdet

Samferdselsavdelinga i Hordaland fylkeskommune har sendt ut mål strategiar og rutestruktur for kollektivtrafikken i Bergensområdet på høyring. Som ansvarleg for kollektivtransporten i fylket har Hordaland fylkeskommune ei viktig og utfordrande oppgåve å utvikle kollektivtilbodet i tråd med dei politiske vedtak som er gjort. Dette gjeld ikkje minst i Bergensområdet der kollektivtransporten har ei særleg viktig rolle.

Av omsyn til den vidare handsaminga i fylkeskommunen ber vi om at eventuelle synspunkt og merknader til mål strategiar og rutestruktur for kollektivtrafikken i Bergensområdet vert sende til Hordaland fylkeskommune, samferdselsavdelinga innan 21. desember 2007.

Fylkeskommunen overtek ansvaret for kollektivtransporten i Bergen

Samferdselsdepartementet kunngjorde 19. januar 2007 at ansvaret for kollektivtransporten i Bergen kommune skal førast tilbake til Hordaland fylkeskommune etter at prøveperioden på fire år er over den 31. desember 2007. Sjå samferdselsdepartementet si kunngjering. Tilbakeføringa er i samsvar med fylkesutvalet si tilråding.

Uendra eller billegare busstakstar

For fjerde år på rad er busstakstane i Hordaland uendra eller billegare. I Hordaland utanom Bergen er prisen for periodekort redusert med 10%. Prisen for reiser over Nordhordlandsbrua er redusert med 9 kronar. Prisen på reiser i Bergen er og uendra eller sett ned.

Prisen på ungdomskortet blei den 1. august 2006 sett ytterlegare ned, til kr 330,-. Kortet gjeld no og for elevar i den vidaregåande skolen som er yngre enn 16 år.

Ungdomskortet og periodekort kan tingast via internett (ekstern lenkje).

Ny snøggbåtrute Rosendal-Bergen frå 1. januar

Det blei den 1. januar 2007 starta opp ny snøggbåtrute på strekninga Rosendal-Bergen. Ruta anløper m.a. Os og Flesland blir utført av L. Rødne & Sønner.

BNR overtek Hernar-ruta

Den 1. januar 2007 overtok Bergen Nordhordland Rutelag drifta av lokalbåtruta Hellesøy-Hernar-Nordøysund. Sjå rutetidene (ekstern lenkje).

Bussrutene på anbod

Fylkesutvalet vedtok i møte 15. mai å setje bussrutene i fylket (utanfor Bergen) ut på anbod. Det skal utformast 'bruttoavtaler med incentivordningar'. Det inneber at fylkeskommunen får ansvaret for ruteplanlegging, ruteinformasjon med meire, og at rutelaga kan få bonus for til dømes betring av kvaliteten eller passasjertalet. Meir informasjon finst i saksframlegget.

Trafikksikringsplan for Hordaland

Hovudhensikten med planen er å setje mål og strategiar som grunnlag for aktørane sine tiltaksplanar og inspirere til godt trafikksikringsarbeid på mange ulike plan.

Fylkestinget har vedteke ny trafikksikringsplan for Hordaland. Planen inneber m.a. ei ekstrasatsing i høve til dagens nivå på 5 mill kr pr år til trafikksikringstiltak i perioden 2006-2009.

Analyse av transportberedskapen i Hordaland -
Transport ROS Hordaland

Transportberedskap Hordaland 2005 med analyse av risiko og sårbarhet - TransportROS

Hordaland fylkeskommune har gjennomført ei risiko- og sårbarheitsanalyse innan transportberedskapen i Hordaland. Resultatet ligg no føre i rapporten TansportROS Hordaland.