Regionalt forskingsfond Vestlandet lyste ut 25 millionar kroner til forskingsprosjekt innan a) Bærekraftig matproduksjon, b) Energi og maritim sektor og c) Offentlege utviklingsoppgåver.
Mange interessante forskingstema
Lista over søknader syner mange interessante tema. Her er nokre døme:
- "Fremtidens slakte- og prosesslinje for oppdrettsfisk"
- "Produktutvikling basert på ferske tomater"
- "Nye sensorar for miljøovervaking"
- "Verifisering av boreoperasjoner"
- "Overvåkning av ballastvann i skip"
- "Sikker skipsfart”
- "Deteksjon av gassutslipp”
- ”Utnyttelse av hydrogenberiket gass”
- ”Utvikling maritime næringsklynger”
- ”Elektronisk samhandling i pasientbehandlinga”
- ”Regional integreringspolitikk og praksis”
- ”Regional klimatilpassing”
God fordeling mellom utlyste forskingsområde
Av dei 95 søknadene viser ei førebels inndeling at det er 64 søknader om forprosjekt og 31 søknader om hovudprosjekt. Det er god fordeling mellom forskingsområda som var lyst ut:
Bærekraftig matproduksjon (37)
37 av søknadene som knyter seg til temaet ”bærekraftig matproduksjon”, fordelt på ”blå” (22) og ”grøn” mat (15). Av matsøknadene gjeld noko over halvparten forprosjekt (20).
Energi- og maritim sektor (22)
22 av søknadene knyter seg til energi- og maritim sektor. Av desse er dei fleste relatert til energifeltet (16), med slik fordeling mellom søknad om forprosjekt (14) og hovudprosjekt (6).
Offentlege utviklingsoppgåver (36)
Innan dette feltet var det lyst ut tre hovudområde, og ei lengre liste med tema der ein opna for forprosjekt. Søknadene syner slik fordeling: 12 søknader gjeld Regional næringsutvikling og omstilling. Av desse er 10 søknad om forprosjekt og 2 søknad om hovudprosjekt. 11 søknader rettar seg mot fornying av offentleg sektor. Av desse var 8 søknader om forprosjekt medan 3 gjeld hovudprosjekt. Ut over dette er kome inn 8 søknader om forprosjekt innan folkehelse, 3 innan temaet klima/klimatilpassing og 2 innan temaet kompetanse.
Aktivitet i alle dei tre Vestlandsfylka
Ein førebels oversikt syner at det er stor interesse for det regionale forskingsfondet i alle dei tre Vestlandsfylka. Dei prosjektansvarlege har slik opphavsadresse:
18 % av søknadene kjem frå Sogn og Fjordane
39 % av søknadene frå Rogaland
43 % av søknadene kjem frå Hordaland
Forskingsfagleg vurdering og vedtak
Regionalt forskingsfond Vestlandet annonserte utlysinga 21. april 2010 med søknadsfrist 3. juni 2010. Alle søknader om hovudprosjekt skal i løpet av sommaren til forskingsfagleg vurdering i eit samarbeid med Noregs forskingsråd. Alle søknader vil deretter bli behandla i styremøte for Regionalt forskingsfond Vestlandet 28. september 2010.
Sjå nyheitsoppslag i Bergens Tidende 5. juni
Meir om utlysinga i 2010
Se også nettsida www.regionaleforskningsfond.no/Vestlandet