«Forteljingar frå Hordaland» viser i korte trekk kva strategiar Hordaland fylkeskommune har, og gir også nokre
døme på korleis fylkeskommunen arbeider med konkrete prosjekt, tiltak og andre sentrale oppgåver i 2007.
Viktige problemstillingar innanfor regional utvikling er til dømes: Korleis kan vi arbeide for å etablere nye arbeidsplassar i framtida? Kva for grep må vi gjere for å sikre ei miljømessig og berekraftig utvikling av fylket ? Kor skal vegane gå ? Korleis skal vi utvikle kollektivtrafikken med sikte på eit mest mogleg effektivt transportarbeid ? Korleis skal vi gjere byane og tettstadene våre attraktive med gode kultur- og servicetilbod ? Kva for område skal vi bruke til bustader, sentrumsstruktur, vegar og friluftsliv ?
Og ikkje minst, korleis heng politikken saman mellom dei ulike sektorområda ? I dette arbeidet er det viktig å fastslå kva vi skal prioritere. Regional utvikling handlar difor om både å setje mål for og gjennomføre tiltak for den samfunnsmessige utviklinga i Hordaland og på Vestlandet.
Politiske vegval
Fylkeskommunen er eit politisk nivå med direkte valde politikarar. Regional utvikling dreiar seg om politiske vegval: Kva for mål vi har sett oss, og korleis vi skal nå dei. Difor er det regionale politiske organ som må fastsetje desse måla.
Overskrifter i dokumentet:
- Kva gjer Hordaland fylkeskommune ?
- Optimisme på Vestlandet
- Planar
- Kva betyr fylkeskommunen for deg ?
- Digital skulekvardag
- Den kulturelle skulesekken
- Til utlandet for å lære
- Livskraftig kulturportal
- Hordaland fylke - føregangsfylke når det gjeld kulturbasert næringsutvikling
- Betydeleg bidrag til samfunnsutviklinga
- Framtida ligg på havbotnen
- "Smak av kysten"
- Framtidsretta samferdsleplanlegging
- Nytt elektronisk billettsystem
- Oppdatert kart for friluftsliv
- Folkehelse
- Politiske organ
- Stønadsordningar
Forteljingar frå Hordaland - regional utvikling 2007 (pdf)