Tilrår småkraftverk i Teigdalen, Voss

Småkraftverket som BKK Produksjon søkjer løyve til får ein installasjon på 7 MW og vil produsera 18 GWh årleg.

Må sikre fiskeinteresser og biologisk mangfald

Fylkesutvalet føreset at det vert gjort tilstrekkelege avbøtande tiltak som sikrar fiskeinteressene i Teigdalselva og Vossovassdraget som laksevassdrag. I tråd med dei fylkespolitiske retningslinene må ein og ha fokus på å ivareta det biologiske mangfaldet ved ei utbygging, som raudlisteartar, viktige naturtypar og tiltak for vasstilknytta fugl.

Kulturminneregistrering

Det er potensial for funn av fornminne i anleggsområdet og tilkomstveg for rigg. Før tiltak i marka må det gjerast ei kulturminneregistrering i dei planlagde områda for inngrep, seier fylkesutvalet i vedaket sitt.

Nasjonalt laksevassdrag og regionalt område for friluftsliv

Teigdalselva har laks og sjøaure, og som del av Vossovassdraget er det nasjonalt laksevassdrag - i tillegg viktig regionalt område for friluftsliv grunna fiskeinteressene. Fisk kan gå opp i nedre del av Tverrgjuvlo, men yngelproduksjonen her er så liten at rapport om biologisk mangfald meiner utbygging ikkje vil vere i konflikt med Vosso som laksevassdrag.

Fossen endrar karakter

Fossen i Tverrgjuvlo er eit viktig landskapselement som vil endre karakter ved ei utbygging, sjølv med ei viss minstevassføring i elva. Reiselivs- og landskapsinteressene er likevel ikkje så store at ein vil rå frå utbygging på dette
grunnlaget.

Sak i fylkesutvalet