For første gong i den perioden data er tilgjengeleg, var det frå 2007 til 2008 ein reduksjon i utslepp av klimagassar i Hordaland, både frå industri, biltrafikk og andre kjelder. Dette skuldast i stor grad finanskrisen.
Samanliknbare tal for 2009 er ikkje tilgjengelege enno. Om vi held kollektivtrafikken utanom viser fylkeskommunen sine eigne tal derimot ein auke i utslepp frå fylkeskommunen si verksemd i 2009. Lågare forbruk av drivstoff i kollektivtrafikken står for ein vesentleg reduksjon i utsleppa herifrå, mens anna verksemd i fylkeskommunen har hatt ein auke i klimagassutsleppa. CO2-utsleppa frå fly- og bilreiser auka med høvesvis 2% og 2,2%, mens CO2-utslepp frå fyringsolje auka med 10,3%. Den samla energibruken i fylkeskommunale bygg har auka med 2,8%, og dei samla
CO2-utsleppa frå fylkeskommunal verksemd utanom kollektivtrafikk auka med 6,1% (92 tonn CO2). Utsleppa frå kollektivtrafikken vart redusert med 3,7% (1 874 tonn CO2).
Miljørapport Hordaland fylkeskommune 2009 (pdf)
Denne rapporten og anna informasjon om Hordaland fylkeskommune sitt miljøarbeid er tilgjengeleg på http://www.hordaland.no/miljo
Sjå også: Årsmelding for Hordaland fylkeskommune 2009 (pdf)
Per Svae 01.07.2010 09:21