Fylkeskommunen arbeider med å få kommuneplankonferansen miljøfyrtårnsertifisert. For å bli sertifisert må konferansen oppfylle definerte krav, som mellom anna går ut på kva slags mat som blir servert, kva transport det er lagt opp til, energibruk, bruk av papir og tilrettelegging for søppelgjenvinning.
Mindre papir
Møtemapper i glansa papir er bannlyst. Alt av papir, bortsett frå program og deltakarliste, blir formidla på nett eller munnleg. Aktuelle brosjyrar kan dei som er interesserte plukke med seg frå brosjyrebordet. Foredrag og referat blir lagt ut på nett i etterkant..
Kjeldesortering
Alt som kan brukast på nytt, blir brukt på nytt. Det blir derfor lagt til rette for kjeldesortering på konferansen. I tillegg er det lagt opp til gjenbruk av namneskilt, slik at deltakarane må levere inn namnelappen når konferansen er avslutta.
Reis og bu miljøvenleg!
Hordaland fylkeskommune oppmodar alle deltakarar og innleiarar om å reise kollektivt. Rutetider finn ein på www.skyss.no og www.nsb.no.
Fylkeskommunen har også rabattavtaler med dei miljøsertifiserte hotella Hotell Augustin http://www.augustin.no/, Grand Terminus http://www.ght.no/ og Hotell Norge.
Meir om miljøsertifisering i Hordaland fylkeskommune
Oppslag med informasjon om konferansen og lenke til program