Miljøsertifisering er at ei verksemd gjennomførar ein miljøanalyse og utarbeidar ein handlingsplan for å innfri krava i ein sertifiseringsordning. Når det er verifisert at krava er oppfylde, vil verksemda få utstedt eit miljøsertifikat.
Miljøsertifisering lønar seg
For ei verksemd er hensikta å heve miljøprestasjonen så det monnar. Gjennom sertifikat og logo kan verksemda nytte dette som konkurranseføremon. Mange verksemder sparar også pengar og får eit betre arbeidsmiljø. Det vert også lettare møte krav og omstillingar i framtida.
For styresmakter er miljøsertifisering eit nyttig verkty i miljø- og klimapolitikken og i næringspolitikken.
Skilnaden på miljøsertifisering og miljømerking
Generelle miljøsertifiseringsordningar i Noreg
Klikk på lenkjene for meir informasjon.
Miljøfyrtårn – Norsk sertifiseringsordning for private og offentlege verksemder.
Svanen – Nordisk miljøsertifisering av produkt og nokre tenester
som t.d. trykkeri, hotell og daglegvarebutikkar.
ISO 14001 – Krevjande sertifiseringsordning mest egna for større verksemder og spesialetatar.
EMAS – EU sin miljøsertifiseringsordning som tuftar på
og er svært lik ISO 14001.
Miljøsertifisering for særskilde bransjar
Mange bransjar her eigne ordningar. Her er nokre av dei. Klikk på lenkjene for meir informasjon.
Økoturisme - For verksemder i turistnæringa.
Levende Skog - For skogbruket.
Internasjonalt kompatibel med FSC-sertifikatet.
Grønt Flagg – Miljøpedagogisk sertifisering av skolar.
Blått Flagg – Miljøsertifisering av strender, hamner og båtar.
Kva er miljøfyrtårn?
Miljøfyrtårn er ei norsk sertifiseringsordning som passar for dei fleste verksemder. For å sertifiserast som Miljøfyrtårn må verksemda saman med ein godkjend miljøfyrtårnkonsulent gå gjennom ein miljøanalyse og deretter oppfylle definerte bransjekrav. Les meir om sertifiseringsordninga på www.miljofyrtarn.no.
Miljøfyrtårn sine bransjekrav tek for seg ulike miljøtema:
- Internkontroll HMS
- Arbeidsmiljø
- Innkjøp og materialbruk
- Energibruk
- Transport
- Avfalls- og utslippshandtering
- Miljøstyring og miljørapportering
Den enkelte verksemda finn i samarbeid med ein miljøkonsulent fram til løysningar og blir einige om tiltak. Alle tilsette bør vera med i miljøfyrtårnarbeidet for å få eit godt resultat. Når verksemda har oppfylt bransjekrava og laga ein miljørapport, vil ein offentleg sertifisør godkjenne verksemda som då får eit sertifikat og kan nytte ein logo. Sertifikatet er gyldig i 3 år.
Alle verksemder skal oppfylle dei generelle miljøfyrtårnkrava og i tillegg bransjekrav t.d. for kontorverksemd, sjukeheim osb. Disse krava finn ein på stiftelsen Miljøfyrtårn sine nettsider eller via lenkja http://www.miljofyrtarn.no/index.php/forvirksomheter/bransjekrav.
Spørsmål og meir informasjon
Stiftelsen Miljøfyrtårn, Hordaland fylkeskommune og Bergen kommune kan gje meir informasjon og halde foredrag om miløfyrtårnsertifisering. Kommunen verksemda ligg i vil vere den sertifiserande styresmakt. Nesten alle kommunane i Hordaland er med i ordninga. Førespurnadar kan også rettast til miljøfyrtårnkontakten i din kommune.
Stiftelsen miljøfyrtårn
Tlf. 38 00 80 60. Internett: Miljøfyrtårn. E-post: post@miljofyrtarn.no
Hordaland fylkeskommune
Koordinator for miljøsertifisering, Per Svae.
Tlf. 55 23 93 83. E-post. per.svae@post.hfk.no
Bergen Kommune
Miljøfyrtårnkontakt, Stig Bang-Andersen.
Tlf. 55 56 57 43. E-post: Stig.Bang-Andersen@bergen.kommune.no
Tilbake til Miljøsertifisering - Hovudside