Den samla kommersielle overnattingstrafikken i Hordaland var 3,7 prosent lågare i 2003 enn året før. Både for hotell, campingplassar og hytter gjekk overnattingstrafikken ned. Det var også ein trafikkreduksjon om ein ser berre på sommarmånadene. Når det gjeld hotellovernattingar var nedgangen særleg sterk i reiselivsregionane Sunnhordland, Osterfjord/ Bjørnefjorden og Nordhordland, medan det var ein viss auke i Bergen og Sotra/ Øygarden. I den regionen der turismen har størst betydning, Hardanger, var det også ein liten nedgang i trafikken.
Biletet av stagnasjon i turisttrafikken vert forsterka av at besøket ved fleire av Hordaland sine største kultur/ opplevingsattraksjonar har gått ned dei siste åra.
Hordaland sine naturbaserte attraksjonar – for det meste fossar – ser derimot ut til å vere om lag like populære som tidlegare.
Cruisetrafikken til Hordaland er eit lyspunkt; den aukar år for år. I 2003 vart Bergen besøkt av 50 000 fleire cruisepassasjerar enn i 1999.
Heile rapporten (pdf- format)
Innhald:
Samandrag: Færre overnattingar, men oppgang i cruise
Mest vanlege overnattingsform: ”På hytta”
Færre hotellovernattingar
Sommarsesongen juni-august
Færre gjestar frå utlandet
Tyskland og Storbritannia største utanlandsmarknader
Ferie- og fritidsovernattingar
Lågare prisar og lågare kapasitetsutnytting
Gjennomsnittleg hotellopphald: 1,63 døgn
Camping og hyttegrender mindre viktig i Hordaland
Hytteformidling: 185 000 overnattingar i Hordaland
Flest hytter i Kvam
Færre besøkande til dei tradisjonelle turistattraksjonane
Cruiseturismen aukar
Hurtigruta og internasjonale ferjesamband
Turistkonsum
Sjå også:
Statistikknett reiseliv Hordaland