Aust-Agder, Østfold og Finnmark har ei klårt negativ utvikling, medan Oppland har nullvekst. Rogaland har same prosentvise auke som Hordaland i denne perioden. Oslo, som i utgangspunktet hadde den klart største FoU- verksemda, hadde ein auke på ca. 1 500 årsverk (15,7 %).
Forskning og utviklingsarbeid (FoU) blir målt i tal FoU-årsverk og i FoU-utgifter innafor næringslivet, instituttsektoren og universitets- og høgskolesektoren.
I Hordaland har auken vore størst i universitets- og høgskolesektoren med 16,2 %, deretter instituttsektoren med 8,4 %. I næringslivet har tal FoU-årsverk derimot gått ned med 10,8 %. Dette utgjer 116 færre årsverk i 2007 samanlikna med 2005.
Tabell på hordaland.no/statistikk: Fou- årsverk i alt og utvikling 2008-07 i fylka.
Når vi ser nærare på type årsverk, finner vi at både FoU-årsverk utført av forskarar/fagleg personale og FoU-årsverk utført av teknisk/administrativt personale har gått ned, men 80 % av nedgangen skuldast færre FoU-årsverk utført av teknisk/administrativt personale.
Delen FoU-årsverk utført av teknisk/administrativt personale utgjer i 2007 26% av det totale talet FoU-årsverk i næringslivet. I Akershus og Sør-Trøndelag er 21 % av FoU-årsverka utført av teknisk/administrativt personale, medan i Oslo er denne delen 24 % og i Rogaland 31 %.
Tabell på hordaland.no/statistikk: Fou- årsverk etter sektor, 1991-07.
Utviklinga i FoU-utgifter i næringslivet er annleis. Til tross for nedgong i tal FoU-årsverk har FoU-utgiftene i næringslivet auka med 29 % frå 2005 til 2007. Berre Akershus med 55 % og Sør-Trøndelag med 59 % auke i FoU-utgifter i næringslivet, ligg føre Hordaland.
Tabell på hordaland.no/statistikk: FoU- årsverk i næringslivet, 1991-07.
Også instituttsektoren og universitets- og høgskolesektoren har hatt ein monaleg auke i denne perioden med høvesvis 19 og 24 %.
Tabell på hordaland.no/statistikk: FoU- utgifter etter sektor, 1991-07.
FoU og Fou- statistikk:
"Forskning og utviklingsarbeid er kreativ virksomhet som utføres systematisk for å oppnå økt kunnskap – herunder kunnskap om mennesket, kultur og samfunn – og omfatter også bruken av denne kunnskapen til å finne nye anvendelser. Som en generell regel skal alt arbeid som kommer inn under forskning og utviklingsarbeid, inneholde et nyhetselement.
FoU-statistikk for Norge utarbeides etter avtale med Norges forskningsråd. Norsk institutt for studier av forskning og utdanning – Senter for innovasjonsforskning (NIFU STEP) har statistikkansvaret for universitets- og høgskolesektoren og instituttsektoren, mens Statistisk sentralbyrå (SSB) har ansvaret for næringslivet. NIFU STEP har også et ansvar for å sammenstille dataene til total FoU-statistikk for Norge" (NIFU STEP).
FoU-statistikk for 2007 på fylkesnivå er tilgjengeleg på hordaland.no/statistikk.