For kvart årsverk i fiskeoppdrett vart det i 2004 utført 6,5 årsverk i andre næringar, av desse 1,6 i andre deler av verdikjede fiskeoppdrett og heile 4,9 i næringar utanfor fiskeri- og havbruksnæringa, går det fram av ein rapport utarbeidd av SINTEF.
Fiskeri- og havbruksnæringa kan delast inn i to verdikjeder: Verdikjede fiskeoppdrett og verdikjede fiske og fangst.
På landsbasis vart det for kvart årsverk i kjerneverksemda fiskeoppdrett utført 6,5 årsverk i andre næringar, av desse 1,6 i andre deler av verdikjede fiskeoppdrett (foredling/ grossist) og heile 4,9 i næringar utanfor fiskeri- og havbruksnæringa.
I verdikjede fiske og fangst er ringverknadene langt mindre uttrykt i sysselsetting. Kvart årsverk i fangstleddet gir grunnlag for rundt to årsverk i andre næringar.
Ringverknader av fiskeri- og havbruksnæringa 2004 (pdf)
Notatet er basert på SINTEF- rapporten ”Betydningen av fiskeri- og havbruksnæringen for Norge – en ringvirkningsanalyse 2004”, som vart utarbeidd hausten 2005 på oppdrag frå Fiskeri- og havbruksnæringens landsforening.
Sjå også:
Omtale med presentasjon av analysen på www.fhl.no
Samandrag med den fullstendige rapporten på www.sintef.no